മഞ്ജു വാര്യരുടെ കിം കിം കിം ഗാനത്തിന് ചുവടു വെച്ച് നടിമാരായ ബീന ആന്റണിയും പൊന്നമ്മ ബാബുവും. സന്തോഷ് ശിവന്‍ സംവിധാനം ചെയ്യുന്ന മഞ്ജുവാര്യര്‍ ചിത്രമായ ജാക്ക് ആന്‍ഡ് ജില്ലിലെ ഈ ഗാനം പുറത്തു വന്ന് മണിക്കൂറുകള്‍ക്കകം വൈറലായിരുന്നു. വീട്ടമ്മമാരും പെണ്‍കുട്ടികളും മഞ്ജു വാര്യര്‍ തന്നെ പാടിയ ഈ ഗാനത്തിന് ചുവടുവെച്ച് ഒരുപോലെ രംഗത്തെത്തിയിരുന്നു.
ഇപ്പോഴിതാ നടിമാരായ ബീന ആന്റണിയുടെയും, പൊന്നമ്മ ബാബുവിന്റെയും കിം കിം നൃത്തമാണ് സോഷ്യല്‍ മീഡിയയില്‍ വൈറലാകുന്നത്. ഏഷ്യാനെറ്റിന്റെ കോമഡിസ്റ്റാര്‍സ് വേദിയിലായിരുന്നു ഇവരുടെ പ്രകടനം. മികച്ച പ്രേക്ഷകാഭിപ്രായമാണ് പ്രമോയ്ക്ക് ലഭിക്കുന്നത്. 1999 ല്‍ കണ്ണെഴുതി പൊട്ടും തൊട്ട് എന്ന ചിത്രത്തിനു ശേഷമാണ് മഞ്ജു വീണ്ടും പിന്നണി ഗായികയായി എത്തുന്നത്. പാട്ടിന് അനുസരിച്ച് ചുവടു വെയ്ക്കൂ എന്ന മഞ്ജുവിന്റെ ചലഞ്ച് ജനങ്ങള്‍ ഏറ്റെടുത്തുത്തിരുന്നു.
സന്തോഷ് ശിവന്റെ രണ്ടാമത്തെ ചിത്രമാണ് ജാക്ക് ആന്റ് ജില്‍. ഉറുമിയായിരുന്നു ആദ്യത്തെ ചിത്രം. പൃഥ്വിരാജായിരുന്നു ഉറുമിയിലെ പ്രധാന കഥാപാത്രം. ജാക്ക് ആന്റ് ജില്ലില്‍ പാര്‍വതി എന്ന കഥാപാത്രത്തെയാണ് ചിത്രത്തില്‍ മഞ്ജു അവതരിപ്പിക്കുന്നത്. കാളിദാസ് ജയറാമും ഒരു പ്രധാന വേഷം അവതരിപ്പിക്കുന്നുണ്ട്. സൗബിന്‍, എസ്തര്‍ അനില്‍, അജു വാര്‍ഗീസ്, ഇന്ദ്രന്‍സ്, നെടുമുടി വേണു എന്നിവരാണ് മറ്റു പ്രധാന കഥാപാത്രങ്ങള്‍.
