കൃഷ്ണ ശങ്കർ നായകനായി എത്തുന്ന ‘കൊച്ചാൾ’ സിനിമയുടെ മോഷൻ പോസ്റ്റർ പുറത്തുവിട്ടു. പൊലീസ് വേഷത്തിൽ പിന്നിൽ കൈ കെട്ടി നിൽക്കുന്ന കൃഷ്ണ ശങ്കർ ആണ് മോഷൻ പോസ്റ്ററിൽ പ്രത്യക്ഷപ്പെടുന്നത്. സിയാറാ ടാക്കീസിന്റെ ബാനറിൽ ദീപ് നാഗ്ഡ ആണ് ചിത്രം നിർമിക്കുന്നത്. ചിത്രത്തിന്റെ കഥയും തിരക്കഥയും സംഭാഷണവും എഴുതിയിരിക്കുന്നത് മിഥുൻ പി മദനൻ, പ്രജിത് കെ പുരുഷൻ എന്നിവർ ചേർന്നാണ്.
കൃഷ്ണ ശങ്കറിനെ കൂടാതെ ഷൈൻ ടോം ചാക്കോ, ഷറഫുദ്ദീൻ എന്നിവർ ഉൾപ്പെടെ ഒരു വലിയ താരനിര തന്നെ ചിത്രത്തിൽ അണിനിരക്കുന്നുണ്ട്. വിജയരാഘവന്‍, രഞ്ജി പണിക്കര്‍, മുരളീ ഗോപി, ഇന്ദ്രന്‍സ്, കൊച്ചു പ്രേമന്‍, ശ്രീകാന്ത് മുരളി, ചെമ്പില്‍ അശോകന്‍, മേഘനാഥന്‍, അസീം ജമാല്‍, അക്രം മുഹമ്മദ്, ചൈതന്യ, സേതുലക്ഷ്മി, ശ്രീലക്ഷ്മി, കലാരഞ്ജിനി, ആര്യസലിം എന്നിവരാണ് മറ്റ് അഭിനേതാക്കൾ.കഴിഞ്ഞയിടെ പോലീസ് അനുസ്‌മരണ ദിനത്തിൽ ഇന്ത്യൻ പൊലീസിന് ആദരവ് അർപ്പിച്ച് ട്രിബ്യൂട്ട് വീഡിയോ ‘കൊച്ചാൾ’ ടീം പുറത്തിറക്കിയിരുന്നു. ദുൽഖർ സൽമാൻ ആയിരുന്നു വീഡിയോ പുറത്തിറക്കിയത്. ഇന്ത്യൻ സിനിമാലോകത്തെ സൂപ്പർഹിറ്റ് പൊലീസ് വേഷങ്ങൾ അണിനിരത്തി ഒരു മാഷപ്പ് രീതിയിലായിരുന്നു വീഡിയോ.
ചിത്രത്തിന്റെ ഛായാഗ്രഹണം ജോമോന്‍ തോമസ് ആണ്. സന്തോഷ് വർമയുടെ വരികള്‍ക്ക് സംഗീതം നൽകുന്നത് ഇസ്‌ക്ര. ചിത്രസംയോജനം – ബിജീഷ് ബാലകൃഷ്ണൻ, എക്‌സിക്യൂട്ടീവ് പ്രൊഡ്യുസര്‍ – ലളിത കുമാരി, പ്രൊഡക്ഷന്‍ കണ്‍ട്രോളര്‍ – ജിനു പി കെ, കല – ത്യാഗു തവനൂര്‍, മേക്കപ്പ്- റോണക്‌സ് സേവ്യര്‍, വസ്ത്രാലങ്കാരം- നിസ്സര്‍ റഹ്‌മത്ത്, സ്റ്റില്‍സ്- ഡോനി സിറിള്‍ പ്രാക്കുഴി, പരസ്യക്കല – ആനന്ദ് രാജേന്ദ്രന്‍, ചീഫ് അസ്സോസിയേറ്റ് ഡയറക്ടര്‍ – സുധീഷ് ചന്ദ്രന്‍, പ്രൊഡക്ഷന്‍ എക്‌സിക്യൂട്ടീവ് – വിമല്‍ വിജയ്, റിനോയി ചന്ദ്രന്‍, വാര്‍ത്ത പ്രചരണം- എ എസ് ദിനേശ് തുടങ്ങിയവരാണ് മറ്റ് പിന്നണി പ്രവര്‍ത്തകര്‍. ഉദ്യോഗമില്ല, ഉയരമില്ല എന്നെല്ലാമുള്ള കാരണത്താല്‍ സ്നേഹിച്ച പെണ്‍കുട്ടിയെ വിവാഹം കഴിക്കാന്‍ കഴിയാതിരുന്ന ശ്രീക്കുട്ടന് കാമുകിയെ വിവാഹം കഴിക്കാന്‍ കഴിയുമോ? ഇപ്പോള്‍ ശ്രീക്കുട്ടന് സര്‍ക്കാര്‍ ഉദ്യോഗസ്ഥനായി കഴിഞ്ഞിരിക്കുകയാണ്. വീണ്ടും പ്രതിസന്ധി ഉണ്ടാകുമോ? കൊച്ചാള്‍ ആ കഥ പറയുന്നു. ’പ്രേമം’ സിനിമയിലൂടെ ശ്രദ്ധേയനായ കൃഷ്ണശങ്കറാണ് ശ്രീക്കുട്ടന് എന്ന കഥാപാത്രത്തിലൂടെ ഇതിൽ നായകനാകുന്നത്.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…