മലയാളികളുടെ പ്രിയപ്പെട്ട നടനാണ് കുഞ്ചാക്കോ ബോബന്‍. ഒരിടവേളയ്ക്ക് ശേഷം സിനിമയില്‍ സജീവമായ കുഞ്ചാക്കോ ബോബന്റെ അടുത്തിടെ പുറത്തിറങ്ങിയ ഭീമന്റെ വഴി, പട തുടങ്ങിയ ചിത്രങ്ങൾ ഏറെ ശ്രദ്ധിക്കപ്പെട്ടിരുന്നു. സോഷ്യല്‍ മീഡിയയിലും സജീവമായ താരം ഇടയ്ക്കിടെ രസകരമായ പോസ്റ്റുകള്‍ പങ്കുവയ്ക്കാറുണ്ട്. അത്തരത്തില്‍ കുഞ്ചാക്കോ ബോബന്‍ പങ്കുവച്ച ഒരു പോസ്റ്റാണ് ഇപ്പോള്‍ ശ്രദ്ധേയമായിരിക്കുന്നത്.
കരിക്ക് ഷേക്ക് കുടിക്കുവാൻ മോഹം തോന്നി തെങ്ങിൽ കയറി കരിക്ക് ഇട്ടുവെന്നാണ് താരം ഫോട്ടോസ് പങ്ക് വെച്ച് കുറിച്ചത്. “ഒരു കരിക്ക് ഷേക്ക് കുടിക്കാൻ മോഹം..ഒന്നും നോക്കിയില്ല !!അപ്പൊത്തന്നെ തെങ്ങു കേറി….കരിക്കിട്ടു …ഷെയ്ക്കടിച്ചു ഉണ്ടാക്കി…കുടിച്ചു !!!😉😉 ആഗ്രഹങ്ങൾ മാറ്റിവെക്കരുത്… പരിശ്രമിച്ചു, അപ്പോൾ തന്നെ സാധിക്കണം!!” കയറിയ തെങ്ങിൽ നിന്നല്ല ഇളനീർ പറിച്ചത് എന്നും ഞങ്ങൾ വിശ്വസിച്ചുവെന്നും ഒക്കെയാണ് കമന്റുകൾ.
ഒറ്റ് എന്ന ചിത്രമാണ് കുഞ്ചാക്കോ ബോബന്റേതായി പുറത്തിറങ്ങാനുള്ള പുതിയ പ്രൊജക്റ്റ്. അരവിന്ദ് സ്വാമിയും കുഞ്ചാക്കോ ബോബനും ആദ്യമായി ഒന്നിക്കുന്ന ചിത്രമാണ് ‘ഒറ്റ്’. തീവണ്ടി എന്ന ചിത്രത്തിന് ശേഷം ഫെല്ലിനി സംവിധാനം ചെയ്യുന്ന ഒറ്റ് ഒരേസമയം തമിഴിലും മലയാളത്തിലുമായാണ് ഒരുങ്ങുന്നത്. തമിഴ് റീമേക്കിന് രെണ്ടഗം എന്നാണ് പേരു നല്‍കിയിരിക്കുന്നത്.
