ദുൽഖർ സൽമാനൊടൊപ്പം ആദ്യമായി അഭിനയിക്കുന്നതിന്റെ സന്തോഷം പങ്കുവച്ച് നടിയും നർത്തകിയുമായ ലക്ഷ്മി ഗോപാലസ്വാമി. ദുല്‍ഖറിനൊപ്പമുള്ള തന്റെ ചിത്രവും ലക്ഷ്മി ഇൻസ്റ്റഗ്രാമിൽ പോസ്റ്റ് ചെയ്‍തിട്ടുണ്ട്.ലോഹിതദാസ് സംവിധാനം ചെയ്ത്, ലോഹിതദാസ് സംവിധാനം ചെയ്ത്, മമ്മൂട്ടി നായകനായ അരയന്നങ്ങളുടെ വീട് എന്ന സിനിമയില്‍ നായികയായിട്ടാണ് ലക്ഷ്മി ഗോപാലസ്വാമി വെള്ളിത്തിരയിലെത്തുന്നത്.
20 വര്‍ഷം മുമ്പ് മമ്മൂട്ടിയോടൊപ്പമാണ് അഭിനയ ജീവിതം ആരംഭിച്ചത്. ഇപോള്‍ ദുല്‍ഖറിനൊപ്പം പ്രവര്‍ത്തിക്കാൻ കഴിഞ്ഞതില്‍ അതിയായ സന്തോഷമുണ്ടെന്ന് ലക്ഷ്മി കുറിച്ചിരിക്കുന്നു. അരയന്നങ്ങളുടെ വീട് എന്ന സിനിമയിലെ അഭിനയത്തിന് 2000- ത്തിലെ മികച്ച രണ്ടാമത്തെ നടിയ്ക്കുള്ള സംസ്ഥാന ചലച്ചിത്ര അവാർഡ് കരസ്ഥമാക്കി. തനിയെ, പരദേശി എന്നീ സിനിമകളിലെ അഭിനയത്തിന് 2007- ൽ മികച്ച രണ്ടാമത്തെ നടിയ്ക്കുള്ള സംസ്ഥാന ചലച്ചിത്ര അവാർഡ് വീണ്ടും ലക്ഷ്മി ഗോപാലസ്വാമിയ്ക്ക് ലഭിച്ചു.
കൊച്ചു കൊച്ചു സന്തോഷങ്ങൾ എന്ന സിനിമയിൽ ലക്ഷ്മി ഗോപാലസ്വാമിയുടെ നൃത്തം കേരളത്തിൽ വളരെ പ്രശസ്തമായി. സിനിമകളെക്കാൾ നൃത്തത്തിന് പ്രാധാന്യം കൊടുക്കുന്ന ലക്ഷ്മി ഗോപാലസ്വാമി ഇന്ത്യയ്ക്കകത്തും വിദേശത്തുമായി നിരവധി വേദികളിൽ നൃത്തം അവതരിപ്പിച്ചിട്ടുണ്ട്. 2014-ൽ വിദ്യഎന്ന സിനിമയിലെ അഭിനയത്തിന് മികച്ച നടിയ്ക്കുള്ള കർണ്ണാടക സംസ്ഥാന ചലച്ചിത്ര പുരസ്ക്കാരം ലക്ഷ്മി ഗോപാല സ്വാമിയ്ക്ക് ലഭിച്ചു. മുപ്പതിലധികം മലയാള സിനിമകളിൽ അഭിനയിച്ചിട്ടുണ്ട്. സിനിമകൾ കൂടാതെ ടെലിവിഷൻ പരമ്പരകളിലും ലക്ഷ്മി അഭിനയിച്ചു വരുന്നു.
