മികച്ച മലയാളചിത്രത്തിനുള്ള ദേശീയ അവാർഡ് സ്വന്തമാക്കിയ ‘തിങ്കളാഴ്ച നിശ്ചയം’ എന്ന ചിത്രത്തിലൂടെ ശ്രദ്ധേയയായ താരം അനഘ നാരായണൻ നായികയായി എത്തുന്നു. ‘ഡിയർ വാപ്പി’ എന്ന് പേരിട്ടിരിക്കുന്ന ചിത്രത്തിൽ നടനും സംവിധായകനുമായ ലാലും ഉണ്ട്. ചിത്രത്തിൽ അച്ഛൻ – മകൾ വേഷങ്ങളിലാണ് ലാലും അനഘ നാരായണനും എത്തുന്നത്. ഷാൻ തുളസീധരൻ ആണ് ഡിയർ വാപ്പിയുടെ സംവിധായകൻ. ചിത്രത്തിന്റെ ടൈറ്റിൽ പോസ്റ്റർ പുറത്തിറക്കി. ഷാൻ തുളസീധരൻ തന്നെയാണ് ചിത്രത്തിന്റെ തിരക്കഥയും. സെപ്റ്റംബർ പത്തിന് ചിത്രത്തിന്റെ ഷൂട്ടിംഗ് ആരംഭിക്കും. തലശ്ശേരി, മാഹി, മൈസൂർ, മുംബൈ എന്നിവിടങ്ങളാണ് പ്രധാന ലൊക്കേഷൻ.
ക്രൗൺ ഫിലിംസ് ആണ് ചിത്രത്തിന്റെ നിർമാണം. നിരഞ്ജ് മണിയൻപിള്ള രാജു, വെയിൽ ഫെയിം ശ്രീരേഖ, ശശി എരഞ്ഞിക്കൽ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഒരുപാട് ആഗ്രഹങ്ങളുള്ള തയ്യൽക്കാരനായ പിതാവ് ബഷീറിനെയും അദ്ദേഹത്തിന്റെ മകൾ മോഡലായ ആമിറയുടെയും കഥയാണ് ഡിയർ വാപ്പി എന്ന സിനിമയിലൂടെ പറയുന്നത്.
കൈലാസ് മേനോൻ ആണ് ചിത്രത്തിന്റെ സംഗീതം. പാണ്ടികുമാർ ഛായാഗ്രഹണവും ലിജോ പോൾ എഡിറ്റിംഗും നിർവഹിക്കുന്നു. എം ആർ രാജാകൃഷ്ണൻ ശബ്ദമിശ്രണവും അജയ് മങ്ങാട് കലാസംവിധാനവും നിർവഹിക്കുന്നു. ബി കെ ഹരിനാരായണൻ, മനു മഞ്ജിത് എന്നിവരാണ് വരികൾ രചിക്കുന്നത്.
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…