നീണ്ട ഇടവേളയ്ക്ക് ശേഷം മഞ്ജു വാര്യർ, ബിജു മേനോൻ എന്നിവർ നായക കഥാപാത്രങ്ങളായി എത്തുന്ന ‘ലളിതം സുന്ദരം’ ‘ട്രയിലർ റിലീസ് ചെയ്തു. ഡിസ്നി പ്ലസ് ഹോട്ട് സ്റ്റാറിന്റെ യുട്യൂബ് ചാനലിലാണ് ട്രയിലർ റിലീസ് ചെയ്തത്. മാർച്ച് 18ന് ഡിസ്നി പ്ലസ് ഹോട്ട് സ്റ്റാറിൽ ‘ലളിതം സുന്ദരം’ റിലീസ് ചെയ്യും. നടനും മഞ്ജു വാര്യരുടെ സഹോദരനുമായ മധു വാര്യരുടെ ആദ്യ സംവിധാന സംരംഭമാണിത്. ട്രയിലറിന് വമ്പൻ വരവേൽപ്പ് ആണ് ലഭിച്ചിരിക്കുന്നത്. ഒരു ഫീൽഗുഡ് കുടുംബചിത്രമായിരിക്കും ‘ലളിതം സുന്ദരം’ എന്ന് വ്യക്തമാക്കുന്നതാണ് ട്രയിലർ.
‘സുന്ദരമായ ചിത്രമാകട്ടെ എന്ന് ആശംസിക്കുന്നു ‘ലളിതം സുന്ദരം’, ‘പേര് പോലെ തന്നെ ലളിതം സുന്ദരം ആകട്ടെ സിനിമ’, ‘പടം കിടുക്കും എന്നു തോന്നുന്നു… മഞ്ജുവാര്യർ ലുക്കും പെർഫോമൻസും കണ്ടിട്ട് പൊളിക്കും എന്ന് തന്നെ കരുതാം…’, അങ്ങനെ പോകുന്നു ട്രയിലറിന് ആരാധകർ നൽകിയ കമന്റുകൾ. കഴിഞ്ഞയിടെ ചിത്രത്തിലെ ‘മേഘജാലകം തുറന്നു നോക്കിടുന്നുവോ…’എന്ന ഗാനം റിലീസ് ചെയ്തിരുന്നു. മഞ്ജു വാര്യർ, ബിജു മേനോൻ, സൈജു കുറുപ്പ് ഉൾപ്പെടെയുള്ള ഒരു സംഘം ഉല്ലാസയാത്ര നടത്തുന്ന രംഗങ്ങളായിരുന്നു പാട്ടിലുടനീളം. കാർ യാത്രയിൽ തുടങ്ങുന്ന ഗാനരംഗങ്ങളിൽ നിറയെ രസകരമായ യാത്രാ മുഹൂർത്തങ്ങളായിരുന്നു. സെഞ്ച്വറിയും മഞ്ജു വാര്യർ പ്രൊഡക്ഷൻസും ചേർന്ന് നിർമ്മിക്കുന്ന ‘ലളിതം സുന്ദരം’ എന്ന ചിത്രത്തിന്റെ ഛായാഗ്രഹണം പി സുകുമാർ, ഗൗതം ശങ്കർ എന്നിവർ ആണ്.
മഞ്ജു വാര്യർ, ബിജു മേനോൻ എന്നിവരെ കൂടാതെ സൈജു കുറുപ്പ്, സുധീഷ്, അനു മോഹന്‍, രഘുനാഥ് പലേരി, വിനോദ് തോമസ്, സറീന വഹാബ്, ദീപ്തി സതി, ആശാ അരവിന്ദ്, അഞ്ജന അപ്പുക്കുട്ടന്‍, മാസ്റ്റര്‍ അശ്വിന്‍ വാര്യര്‍, ബേബി തെന്നല്‍ അഭിലാഷ് തുടങ്ങിയവരാണ് ചിത്രത്തിലെ മറ്റു പ്രമുഖ താരങ്ങള്‍. തിരക്കഥ, സംഭാഷണം – പ്രമോദ് മോഹൻ, എഡിറ്റർ - ലിജോ പോള്‍, എക്സിക്യൂട്ടീവ് പ്രൊഡ്യൂസർ - ബിനീഷ് ചന്ദ്രന്‍, ബിനു ജി, പ്രൊഡക്ഷൻ കണ്‍ട്രോളര്‍ – എ ഡി ശ്രീകുമാർ, കല – എം ബാവ, മേക്കപ്പ് – റഷീദ് അഹമ്മദ്, വസ്ത്രാലങ്കാരം – സമീറ സനീഷ്, ചീഫ് അസോസിയേറ്റ് ഡയറക്ടര്‍ – വാവ, അസോസിയേറ്റ് ഡയറക്ടർ - എ കെ രജിലീഷ്, മണ്‍സൂര്‍ റഷീദ് മുഹമ്മദ്, ലിബെന്‍ അഗസ്റ്റിന്‍ സേവ്യര്‍, അസിസ്റ്റന്റ് ഡയറക്ടർ - മിഥുന്‍ ആര്‍, സ്റ്റില്‍സ് – രാഹുല്‍ എം സത്യന്‍, പ്രൊമോഷൻ സ്റ്റിൽസ് – ഷാനി ഷാക്കി, പരസ്യക്കല – ഓള്‍ഡ്മങ്കസ്, ഫിനാന്‍സ് കണ്‍ട്രോളര്‍ – ശങ്കരന്‍ നമ്പൂതിരി, പ്രൊഡക്ഷന്‍ എക്സിക്യൂട്ടീവ് – അനില്‍ ജി നമ്പ്യാര്‍, സെവന്‍ ആര്‍ട്ട് കണ്ണൻ. വണ്ടിപ്പെരിയാർ, കുമളി, വാഗമൺ, എറണാകുളം എന്നിവിടങ്ങളിലായി ചിത്രീകരിച്ച ‘ലളിതം സുന്ദരം’ മാർച്ചിൽ ഏഷ്യാനെറ്റ് ഡിസ്നി ഹോട്ട്സ്റ്റാറിലൂടെ പ്രേക്ഷകരിലേക്ക് എത്തും.
