പൃഥ്വിരാജ്-മോഹൻലാൽ കൂട്ടുകെട്ടിൽ പിറന്ന ചിത്രം ലൂസിഫർ പ്രദർശന ദിവസം മുതൽ റെക്കോർഡുകൾ വാരിക്കൂട്ടുകയായിരുന്നു. 200 കോടി ക്ലബ്ബിൽ കയറുന്ന ആദ്യ മലയാള ചിത്രമെന്ന റെക്കോർഡും ഇതിൽ ഉൾപ്പെടും. മോഹൻലാൽ എന്ന അഭിനയ ചക്രവർത്തിയുടെ കഴിവും ആക്ഷൻ രംഗങ്ങളും മാസ്സ് ഡയലോഗുകളുമെല്ലാം കോർത്തിണക്കി പ്രിത്വിരാജിന്റെ കന്നി സംവിദാനത്തിൽ പിറന്ന ഈ ചിത്രം റിലീസിനെത്തി 56 ദിവസങ്ങൾ പിന്നിടുമ്പോഴും ഇപ്പഴും നിറഞ്ഞ സദസിനു മുന്നിൽ പ്രദർശനം തുടരുകയാണ്. അടുത്ത കാലത്ത് ഇറങ്ങിയ ഏറ്റവും മികച്ച മലയാള ചിത്രമായി ലൂസിഫർ മാറി. 
ഇപ്പോഴിതാ ചിത്രം ഗൾഫിലും റെക്കോർഡുകൾ ഉണ്ടാക്കുകയാണ്. ഗള്‍ഫ് രാജ്യങ്ങളില്‍ അറുപതു ദിവസം പിന്നിടുന്ന മൂന്നാമത്തെ മലയാള ചിത്രമെന്ന ഖ്യാതിയാണ് ലൂസിഫര്‍ സ്വന്തമാക്കിയിരിക്കുന്നത്. 98 ദിവസം പ്രദർശിപ്പിച്ച പുലിമുരുകനും125 ദിവസം പ്രദർശിപ്പിച്ച ദൃശ്യവുമാണ് യഥാക്രമം ഒന്നും രണ്ടും സ്ഥാനങ്ങളിലുള്ളത്. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്ബാവൂരാണ് നിര്‍മ്മിച്ചിരിക്കുന്നത്.
