നവാഗതനായ സഹീദ് അറാഫത്ത് സംവിധാനം ചെയ്യുന്ന ‘തങ്കം’ എന്ന ചിത്രത്തിലെ ലിറിക്കല്‍ വിഡിയോ പുറത്തിറങ്ങി. ‘ദേവീ നീയേ വരലക്ഷ്മി നീയേ’ എന്ന് തുടങ്ങുന്ന ഗാനം ആലപിച്ചിരിക്കുന്നത് നജീം അര്‍ഷാദാണ്. അന്‍വര്‍ അലിയുടേതാണ് വരികള്‍. ബിജിബാലാണ് സംഗീതം പകര്‍ന്നിരിക്കുന്നത്.
ബിജു മേനോന്‍, വിനീത് ശ്രീനിവാസന്‍, അപര്‍ണ്ണ ബാലമുരളി, ഗിരീഷ് കുല്‍ക്കര്‍ണി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഇവരെ കൂടാതെ നിരവധി മറാത്തി, തമിഴ് താരങ്ങളും ചിത്രത്തില്‍ വേഷമിടുന്നു. ഭാവന സ്റ്റുഡിയോസിന്റെ ബാനറില്‍ ദിലീഷ് പോത്തന്‍, ഫഹദ് ഫാസില്‍, ശ്യാം പുഷ്‌ക്കരന്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
ശ്യാം പുഷ്‌കരനാണ് ചിത്രത്തിന്റെ രചന നിര്‍വഹിച്ചിരിക്കുന്നത്. ഛായാഗ്രഹണം ഗൗതം ശങ്കര്‍ നിര്‍വഹിക്കുന്നു. എഡിറ്റിങ് കിരണ്‍ദാസ്. ഭാവനാ റിലീസ് ഈ വരുന്ന ജനുവരി 26 ന് ചിത്രം തീയറ്ററുകളില്‍ എത്തിക്കും.
