മലയാള സിനിമക്ക് കഴിഞ്ഞ വർഷത്തെ ഏറ്റവും മികച്ച സിനിമയായ സുഡാനി ഫ്രം നൈജീരിയ സമ്മാനിച്ച ഹാപ്പി അവേഴ്സ് എന്റർടെയിൻമെന്റിന്റെ പുതിയ ചിത്രം തമാശയിലെ ‘പാടീ ഞാൻ’ എന്ന ഗാനത്തിന്റെ മേക്കിങ്ങ് വീഡിയോ പുറത്തിറങ്ങി. വിനയ് ഫോർട്ട് നായകനാവുന്ന സിനിമ അഷ്‌റഫ് ഹംസ എന്ന നവാഗതനാണ് ഒരുക്കുന്നത് . മലയാള സിനിമയിലെ മികച്ച സംവിധായകരായ സമീർ താഹിർ , ഷൈജു ഖാലിദ് , ലിജോ ജോസ് പല്ലിശ്ശേരി തുടങ്ങിയവർക്കൊപ്പം ചെമ്പൻ വിനോദ് കൂടിയാണ് തമാശ നിർമിക്കുന്നത്. സമീർ താഹിറാണ് ക്യാമറ കൈകാര്യം ചെയ്യുന്നത്. റെക്‌സ് വിജയൻ, ഷഹബാസ് അമൻ എന്നിവർ ഗാനങ്ങൾ ഒരുക്കുന്നു. മുഹ്‌സിൻ പരാരിയാണ് ഗാനങ്ങൾ രചിച്ചിരിക്കുന്നത്. വിനയ് ഫോർട്ടിന്റെ വേറിട്ട ലുക്കുമായെത്തിയ ചിത്രത്തിന്റെ ഫസ്റ്റ് ലുക്ക് പോസ്റ്റർ ഏറെ ശ്രദ്ധ പിടിച്ചു പറ്റിയിരുന്നു.
