അഭിനയത്തില്‍ ചുവടുവച്ച് നടന്‍ ജയറാമിന്റെ മകള്‍ മാളവിക. മായം സെയ്ത പൂവേ എന്ന സംഗീത വിഡിയോയിലൂടെയാണ് മാളവിക അഭിനയ രംഗത്ത് ചുവടുവച്ചത്. അശോഷ് സെല്‍വനൊപ്പമാണ് മാളവിക സ്‌ക്രീനിലെത്തിയത്.
മനോജ് പ്രഭാകറിന്റെതാണ് ഗാനത്തിന്റെ വരികള്‍. പ്രണവ് ഗിരിധരനാണ് പാട്ടിന് സംഗീതം നല്‍കി ആലപിച്ചിരിക്കുന്നത്. തന്റെ അഭനയ വിശേഷം അറിയിച്ച് പാട്ടിന്റെ പോസ്റ്റര്‍ മാളവിക സമൂഹമാധ്യമങ്ങളില്‍ പങ്കുവച്ചിരുന്നു. ഇത് ആരാധകര്‍ ഏറ്റെടുക്കുകയും ചെയ്തിരുന്നു.
ഏതാനും മാസങ്ങള്‍ക്ക് മുന്‍പ് അഭിനയക്കളരിയില്‍ പങ്കെടുത്തതിന്റെ ചിത്രങ്ങള്‍ മാളവിക പങ്കുവച്ചത് ചര്‍ച്ചയായിരുന്നു. മകളുടെ അഭിനയ മോഹം ജയറാമും തള്ളിക്കളഞ്ഞിരുന്നില്ല. വരനെ ആവശ്യമുണ്ട് എന്ന ചിത്രത്തിനായി സംവിധായകന്‍ അനൂപ് സത്യന്‍ മാളവികയെ സമീപിച്ചിരുന്നുവെന്നും എന്നാല്‍ മനസ് പാകമാകാത്തതിനാല്‍ അത് വേണ്ടെന്നുവയ്ക്കുകയുമായിരുന്നു എന്നുമാണ് ജയറാം പറഞ്ഞത്. ചക്കി ഉടന്‍ സിനിമയിലേക്ക് വരുമെന്നാണ് കരുതുന്നതെന്നും ജയറാം പറഞ്ഞിരുന്നു.
