അമല പോള്‍ നായികയായി എത്തിയ ടീച്ചര്‍ തീയറ്ററുകളില്‍ എത്തിയിരിക്കുകയാണ്. ഹക്കീം ഷായാണ് ചിത്രത്തിലെ നായക കഥാപാത്രത്തെ അവതരിപ്പിച്ചിരിക്കുന്നത്. സമകാലിക സമൂഹം ചര്‍ച്ച ചെയ്യേണ്ട വിഷയമാണ് ചിത്രം മുന്നോട്ടുവയ്ക്കുന്നതെന്നാണ് ടീച്ചര്‍ കണ്ടിറങ്ങിയ പലരും അഭിപ്രായപ്പെട്ടത്. അമല പോള്‍ തന്നെയാണ് ചിത്രത്തിന്റെ കേന്ദ്രബിന്ദു. വ്യത്യസ്ത ലുക്കിലെത്തിയ മഞ്ജുപിള്ളയും പ്രേക്ഷകരെ ഞെട്ടിച്ചിട്ടുണ്ട്. മികച്ച മേക്കിംഗാണ് ചിത്രത്തിന്റേതെന്ന് അഭിപ്രായപ്പെട്ടവരുമുണ്ട്.
വിവേകാണ് ചിത്രം സംവിധാനം ചെയ്തിരിക്കുന്നത്. ഷാജി കുമാറിന്റേതാണ് തിരക്കഥ. ചെമ്പന്‍ വിനോദ്, മഞ്ജു പിള്ള, ഷാജഹാന്‍, പ്രശാന്ത് മുരളി, നന്ദു, ഹരീഷ് പേങ്ങരന്‍, അനുമോള്‍, മാല പാര്‍വതി, വിനീതാ കോശി എന്നിവരാണ് ചിത്രത്തില്‍ മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്. നട്ട്മഗ് പ്രൊഡക്ഷന്‍സിന്റെ ബാനറില്‍ വരുണ്‍ ത്രിപുനേനി, അഭിഷേക് റാമിസെട്ടി, ജി പൃഥ്വിരാജ് എന്നിവരാണ് ചിത്രം നിര്‍മിക്കുന്നത്.
ഛായാഗ്രഹണം- വിവേക്, വരികള്‍- അനു മൂത്തേടത്ത്, വിനായക് ശശികുമാര്‍, അന്‍വര്‍ അലി, യുഗഭാരതി, സംഗീതം- ഡോണ്‍ വിന്‍സെന്റ്, എക്സിക്യൂട്ടീവ് പ്രൊഡ്യൂസര്‍-ജോഷി തോമസ് പള്ളിക്കല്‍, ക്രിയേറ്റീവ് പ്രൊഡ്യൂസര്‍- ജോവി ഫിലിപ്പ്, പ്രൊഡക്ഷന്‍ കണ്‍ട്രോളര്‍-വിനോദ് വേണുഗോപാല്‍, കല- അനീസ് നാടോടി, മേക്കപ്പ്-അമല്‍ ചന്ദ്രന്‍, വസ്ത്രാലങ്കാരം- ജിഷാദ് ഷംസുദ്ദീന്‍,സ്റ്റില്‍സ്-ഇബ്സണ്‍ മാത്യു, ഡിസൈന്‍- ഓള്‍ഡ് മോങ്ക്സ്,ചീഫ് അസോസിയേറ്റ് ഡയറക്ടര്‍-അനീവ് സുകുമാര്‍,ഫിനാന്‍സ് കണ്‍ട്രോളര്‍- അനില്‍ ആമ്പല്ലൂര്‍, പ്രൊഡക്ഷന്‍ എക്സിക്യൂട്ടീവ് -ശ്രീക്കുട്ടന്‍ ധനേശന്‍, ജസ്റ്റിന്‍ കൊല്ലം, അസോസിയേറ്റ് ഡയറക്ടര്‍-ശ്യാം പ്രേം, അഭിലാഷ് എം യു, അസോസിയേറ്റ് ക്യാമറമാന്‍-ഷിനോസ് ഷംസുദ്ദീന്‍,അസിസ്റ്റന്റ് ഡയറക്ടര്‍-അഭിജിത്ത് സര്യ,ഗോപിക ചന്ദ്രന്‍, വിഎഫ്എക്സ്-പ്രോമിസ്, പി ആര്‍ ഓ പ്രതീഷ് ശേഖര്‍, ഡിജിറ്റല്‍ പി ആര്‍ ഓ അനന്തകൃഷ്ണന്‍ എന്നിവരാണ് മറ്റ് അണിയറപ്രവര്‍ത്തകര്‍.
