മമ്മൂട്ടി നായകനായി എത്തിയ ചിത്രം ക്രിസ്റ്റഫർ തിയറ്ററുകളിൽ മികച്ച അഭിപ്രായം സ്വന്തമാക്കി പ്രദർശനം തുടരുകയാണ്. ഇതിനിടയിൽ ചിത്രത്തിന്റെ ബിഹൈൻഡ് ദ സീൻസ് വീഡിയോ അണിയറപ്രവർത്തക‍ർ റിലീസ് ചെയ്തിരിക്കുകയാണ്. ഷൂട്ടിംഗിനായി മമ്മൂട്ടി തയ്യാറെടുക്കുന്നതും ഷൂട്ട് ചെയ്യുന്ന ചില രംഗങ്ങളുമാണ് ബിഹൈൻഡ് ദ സീൻസ് വീഡിയോയിൽ ഉൾപ്പെടുത്തിയിരിക്കുന്നത്. ആരാധകർ വലിയ വരവേൽപ്പാണ് ബി ടി എസ് വീഡിയോയ്ക്ക് നൽകിയിരിക്കുന്നത്.
മമ്മൂട്ടി തന്നെയാണ് ബി ടി എസ് വീഡിയോ പങ്കുവെച്ചത്. പടം സൂപ്പറാണെന്നും മമ്മൂട്ടി തകർത്തെന്നുമാണ് ബി ടി എസ് വീഡിയോയ്ക്ക് ആരാധകരുടെ കമന്റുകൾ. ബി ഉണ്ണികൃഷ്ണൻ സംവിധാനം ചെയ്ത ചിത്രത്തിൽ പൊലീസ് വേഷത്തിലാണ് മമ്മൂട്ടി എത്തിയത്. ഫെബ്രുവരി 9നാണ് ക്രിസ്റ്റഫർ റിലീസ് ചെയ്തത്. ഉദയകൃഷ്ണ തിരക്കഥ ഒരുക്കിയ ചിത്രത്തിന് ബോക്സ് ഓഫീസിലും താരതമ്യേന മികച്ച പ്രതികരണമാണ് ലഭിച്ചത്.
ആദ്യ ദിവസം 175ലധികം ഷോകൾ ഹൗസ് ഫുള്ളോടെയാണ് ഒരുങ്ങിയത്. 50തിലധികം അര്‍ദ്ധരാത്രി പ്രദര്‍ശനങ്ങളും ഉണ്ടായിരുന്നു.1.83 കോടി രൂപയാണ് കേരളത്തില്‍ നിന്ന് ചിത്രത്തിന് ലഭിച്ചത്. അമല പോള്‍, സ്നേഹ, ഐശ്വര്യ ലക്ഷ്മി എന്നിവരാണ് ക്രിസ്റ്റഫറിന്റെ നായികമാര്‍. വിനയ് റായ്, ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീതകോശി, വാസന്തി തുടങ്ങിയവരും സിനിമയുടെ ഭാഗമാണ്. ഫൈസ് സിദ്ദിഖ് ആണ് ചിത്രത്തിൻ്റെ ഛായാഗ്രഹണം നിർവ്വഹിക്കുന്നത്. സംഗീതം ജസ്റ്റിൻ വർഗീസ്, എഡിറ്റിംഗ് മനോജ്, പ്രൊഡക്ഷൻ കൺട്രോളർ അരോമ മോഹൻ, കലാസംവിധാനം ഷാജി നടുവിൽ, വസ്ത്രാലങ്കാരം പ്രവീൺ വർമ്മ, ചമയം ജിതേഷ് പൊയ്യ, ആക്ഷൻ കൊറിയോഗ്രഫി സുപ്രീം സുന്ദർ, ചീഫ് അസോസിയേറ്റ് സുജിത്ത് സുരേഷ്, സൗണ്ട് മിക്സിങ് രാജകൃഷ്ണൻ എം ആർ, സൗണ്ട് ഡിസൈൻ നിധിൻ ലൂക്കോസ്, കളറിസ്റ്റ് ഷൺമുഖ പാഡ്യൻ, ഡി ഐ മോക്ഷ പോസ്റ്റ്, പിആർഒ പി ശിവപ്രസാദ്, നിയാസ് നൗഷാദ്, മാർക്കറ്റിംഗ് ഒബ്സ്ക്യൂറ എൻ്റർടൈൻമെൻ്റ്സ്, സ്റ്റിൽസ് നവീൻ മുരളി, ഡിസൈൻ കോളിൻസ് ലിയോഫിൽ എന്നിവരാണ് മറ്റ് അണിയറ പ്രവർത്തകർ.
