ജൂബിലി പിക്‌ചേഴ്‌സും പ്രകാശ് മൂവി ടോണും മാരുതി പിക്‌ചേഴ്‌സും ചേർന്ന് നിർമിക്കുന്ന ഏറ്റവും പുതിയ ചിത്രമാണ് എവിടെ.ഹോളിഡേ മൂവീസിന്റെ ബാനറിൽ ഒരുക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസം പുറത്ത് വിട്ടിരുന്നു.ബോബി സഞ്ജയ് ആണ് ചിത്രത്തിന് കഥ ഒരുക്കിയിരിക്കുന്നത്. ബോബി സഞ്ജയുടെ കഥയ്ക്ക് കൃഷ്ണൻ സിയാണ് തിരക്കഥ രചിക്കുന്നത് .കെ കെ രാജീവ് ആണ് ചിത്രം സംവിധാനം ചെയ്യുന്നത്.
ചിത്രത്തിന്റെ ഓഡിയോ ലോഞ്ച് കഴിഞ്ഞദിവസം മമ്മൂക്ക നിർവഹിച്ചിരുന്നു .ഓഡിയോ ലോഞ്ചിൽ സിനിമയ്ക്ക് വേണ്ടി ജീവിതം വരെ ത്യജിച്ച കഥ വെളിപ്പെടുത്തുകയായിരുന്നു താരം. സിനിമ എന്ന മോഹമായിരുന്നു ജീവിതം മുഴുവൻ. സിനിമ കണ്ടു നടക്കുന്നതിനിടയിൽ ഡിഗ്രി ഒരുവർഷം തോൽക്കുകയും ചെയ്തു എന്നും മമ്മൂട്ടി ഓഡിയോ ലോഞ്ചിനിടയിൽ പങ്കുവെച്ചു.എല്ലാ സിനിമകളും മികച്ചതാകാൻ ആണ് ആഗ്രഹം എന്നും എവിടെ എന്ന ഈ പുതിയ സിനിമയും മികച്ചതായി മാറട്ടെ എന്നും മമ്മൂക്ക പ്രത്യാശ പ്രകടിപ്പിച്ചു.ചിത്രം നിർമിക്കുന്ന ജൂബിലി പിക്ചേഴ്സ്,പ്രേം പ്രകാശ്, മാരുതി പിക്ചേഴ്സ് എന്നിവരുമായി തനിക്കുള്ള സൗഹൃദവും വേദിയിൽ മമ്മൂക്ക പങ്കു വെക്കുകയുണ്ടായി.
ചിത്രത്തിന് നൗഫൽ ശരീഫ് ചായാഗ്രഹണവും ഔസേപ്പച്ചൻ സംഗീതവും നൽകുന്നു.സുരാജ് വെഞ്ഞാറമൂട്, ആശാ ശരത്, ബൈജു,മനോജ് കെ ജയൻ, പ്രേം പ്രകാശ്, ഷെബിൻ ബെൻസൺ തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു.ചിത്രം ജൂലൈ അഞ്ചിന് പ്രദർശനത്തിനെത്തും.
