ആരാധകരുടെ ആകാംക്ഷയ്ക്ക് വിരാമമിട്ട് രജനീകാന്ത്-ശങ്കര്‍ ചിത്രം 2.0 ഇന്ന് തീയേറ്ററുകളില്‍ എത്തി. കേരളത്തില്‍ മാത്രം അഞ്ഞൂറോളം തീയേറ്ററുകളില്‍ ഒരുമിച്ച്‌ റിലീസ് ചെയ്ത ചിത്രത്തെ ആവേശത്തോടെയാണ് പ്രേക്ഷകര്‍ വരവേറ്റത്.വിഷ്വല്‍ എഫക്‌ട്‌സിന്റെ മായക്കാഴ്ചകളുമായാണ് യെന്തിരന്റെ രണ്ടാം ഭാഗം തീയേറ്ററുകളിലെത്തിയത്. ഡബിള്‍ റോളില്‍ രജനീകാന്തും വില്ലന്‍ വേഷത്തില്‍ അക്ഷയ്കുമാറും മത്സരിച്ചഭിനയിച്ച ചിത്രം ആദ്യ ദിനം തന്നെ പ്രേക്ഷക ഹൃദയം കീഴടക്കി.
ശങ്കറിന്റെ ഈ വിഷ്വൽ മാജിക്ക് ആസ്വദിച്ച കൂട്ടത്തിൽ മലയാളത്തിന്റെ മെഗാസ്റ്റാർ മമ്മൂട്ടിയും ഉണ്ട്.ചിത്രം കണ്ട മമ്മൂട്ടി ചിത്രത്തെ കുറിച്ച് മികച്ച അഭിപ്രായങ്ങൾ ആണ് പ്രകടിപ്പിച്ചത്.
വിശേഷിപ്പിക്കാൻ വാക്കുകളിലെന്നും, അത്ര മികച്ചതാക്കി ഈ സയൻസ് ഫിക്ഷൻ ചിത്രത്തെ ശങ്കർ അണിയിച്ചൊരുക്കിയെന്നും മമ്മൂട്ടി പറഞ്ഞുവത്രേ. ഇത്രയധികം ഗ്രാഫിക്സ് ഇന്ത്യൻ സിനിമയിൽ മുൻപേരും ഉപയോഗിച്ച് കണ്ടിട്ടില്ല എന്നാണ് മമ്മൂട്ടി പറയുന്നത്. ലോക നിലവാരത്തിലുള്ള ഈ സിനിമ പ്രേക്ഷകരിൽ തീർച്ചയായും എത്തണമെന്നും, ഇന്ത്യൻ സിനിമയുടെ വളർച്ചയെ അടയാളപ്പെടുത്തുന്ന സിനിമയാണിതെന്നും മമ്മൂട്ടി പറഞ്ഞു.
