ഈയിടെ പുറത്തിറങ്ങിയ സിനിമാപ്രേക്ഷകരുടെ മനം കവര്‍ന്ന രണ്ടു കഥാപാത്രങ്ങളാണ് ‘ഹോം’ എന്ന സിനിമയിലെ ഒലിവര്‍ ട്വിസ്റ്റും കുട്ടിയമ്മയും. റോജിന്‍ തോമസ് സംവിധാനം ചെയ്ത ചിത്രം മികച്ച അഭിപ്രായം നേടി മുന്നേറുകയാണ്. ചിത്രത്തില്‍ ഇന്ദ്രന്‍സ് ഒലിവര്‍ ട്വിസ്റ്റായി എത്തിയപ്പോള്‍ കുട്ടിയമ്മയായി എത്തിയത് മഞ്ജു പിള്ളയായിരുന്നു.
View this post on Instagram
ഇപ്പോഴിതാ, യഥാര്‍ത്ഥ കുട്ടിയമ്മയ്ക്ക് ഒപ്പമുള്ള ചിത്രം ഷെയര്‍ ചെയ്യുകയാണ് മഞ്ജു പിള്ള. സംവിധായകന്‍ റോജിന്റെ അമ്മയാണ് മഞ്ജു പിള്ളയ്ക്ക് ഒപ്പമുള്ള കുട്ടിയമ്മ. അമ്മയുടെ പേര് തന്നെ കഥാപാത്രത്തിനായി നല്‍കുകയായിരുന്നു റോജിന്‍.
മികച്ച പ്രകടനമാണ് ഇന്ദ്രന്‍സും മഞ്ജുപിള്ളയും കാഴ്ചവെച്ചത്. അപൂര്‍ണതകളുള്ള ഒരു കൂട്ടം പച്ചയായ മനുഷ്യരെ കുറിച്ചാണ് ചിത്രം പറയുന്നത്. ടെക്‌നോളജിയും സ്മാര്‍ട്ട് ഫോണുമെല്ലാം കുടുംബബന്ധങ്ങളെ മോശമായി ബാധിക്കുന്നതെങ്ങനെയെന്ന് ‘ഹോം’ കാട്ടിത്തരുന്നുണ്ട്.
