മാളികപ്പുറം സിനിമയിലെ പ്രകടനത്തിലൂടെ മലയാളികളുടെ മനസിൽ സ്ഥിലപ്രതിഷ്ഠ നേടിയിരിക്കുകയാണ് നടൻ ഉണ്ണി മുകുന്ദൻ. ഏതായാലും വൻ വിജയം സ്വന്തമാക്കിയ മാളികപ്പുറം സിനിമയ്ക്കു പിന്നാലെ ഉണ്ണി മുകുന്ദനെ തേടി നിരവധി പുരസ്കാരങ്ങളാണ് എത്തിയിരിക്കുന്നത്. ഇപ്പോൾ, ബഹ്റിനിലെ കേരള സോഷ്യൽ ആൻഡ് കൾച്ചറൽ അസോസിയേഷൻ നൽകി വരുന്ന മന്നം പുരസ്കാരം സമ്മാനിക്കും.
നളകല അവാര്‍ഡ് പഴയിടം മോഹനന്‍ നമ്പൂതിരിക്കും, വാദ്യകലാശ്രീ അവാര്‍ഡ് പെരുവനം കുട്ടന്‍ മാരാര്‍ക്കും, വൈഖരി അവാര്‍ഡ് ശ്രീജിത്ത് പണിക്കര്‍ക്കും, ഹ്യുമാനിറ്റേറിയന്‍ അവാര്‍ഡ് കെ ജി ബാബുരാജനും, ബിസിനസ് എക്‌സ്സെലെന്‍സ് യൂത്ത് ഐക്കണ്‍ അവാര്‍ഡ് ശരത് പിള്ളയ്ക്കും സമ്മാനിക്കുമെന്ന് ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു.
ഏപ്രില്‍ 21ന് 146ആമത് മന്നം ജയന്തി ആഘോഷത്തോടനുബന്ധിച്ച് സംഘടിപ്പിക്കുന്ന ചടങ്ങില്‍ പുരസ്‌കാരങ്ങള്‍ വിതരണം ചെയ്യും. ഇസാടൗണിലെ ഇന്ത്യന്‍ സ്‌കൂള്‍ ഓഡിറ്റോറിയത്തില്‍ വെച്ച് നടക്കുന്ന പരിപാടിയില്‍ നിരവധി പ്രമുഖര്‍ പങ്കെടുക്കും.
