ഷാരൂഖ് ഖാനും ദീപിക പദുക്കോണും കേന്ദ്രകഥാപാത്രങ്ങളായി എത്തുന്ന ചിത്രമാണ് പത്താന്‍. കഴിഞ്ഞ ദിവസം ചിത്രത്തിന്റെ ഗാനം പുറത്തുവന്നിരുന്നു. ഗാനരംഗത്ത് ദീപിക ബിക്കിനി ധരിച്ചാണ് അഭിനയിച്ചത്. ഇതിന് പിന്നാലെ ചിത്രത്തിനെതിരെ വ്യാപക പ്രതിഷേധമാണ് അരങ്ങേറുന്നത്. വീര്‍ ശിവജി എന്ന സംഘടനയിലെ അംഗങ്ങള്‍ ഷാരൂഖ് ഖാന്റേയും ദീപിക പദുക്കോണിന്റേയും കോലം കത്തിച്ച് പ്രതിഷേധിച്ചു.
ചിത്രത്തിലെ ഗാനം ഹിന്ദുക്കളുടെ വികാരം വ്രണപ്പെടുത്തുന്നുവെന്നാണ് ആരോപണം. സിനിമ റിലീസ് ചെയ്യാന്‍ അനുവദിക്കരുതെന്നും വീര്‍ ശിവജി സംഘടനയിലെ അംഗങ്ങള്‍ പറയുന്നു. ഗാനരംഗത്തിനെതിരെ മധ്യപ്രദേശ് ആഭ്യന്തരമന്ത്രി നരോത്തം മിശ്രയും രംഗത്തെത്തിയിട്ടുണ്ട്. ഗാനരംഗത്തില്‍ മാറ്റം വരുത്താതെ സിനിമ മധ്യപ്രദേശില്‍ പ്രദര്‍ശിപ്പിക്കില്ലെന്നാണ് നരോത്തം മിശ്ര പറഞ്ഞത്. ദീപിക തുക്ക്‌ഡെ തുക്ക്‌ഡെ സഘത്തിന്റെ അനുകൂലിയാണെന്നും നരോത്തം മിശ്ര ആരോപിച്ചു.
സിദ്ധാര്‍ത്ഥ് ആനന്ദാണ് പഠാന്‍ സംവിധാനം ചെയ്യുന്നത്. ജോണ്‍ എബ്രഹാമാണ് ചിത്രത്തില്‍ വില്ലന്‍ കഥാപാത്രത്തെ അവതരിപ്പിക്കുന്നത്. യഷ് രാജ് ഫിലിംസ് നിര്‍മിക്കുന്ന ചിത്രം ജനുവരി 25ന് തീയറ്ററുകളില്‍ എത്തും.
