പ്രണയത്തിലായി, ഹൃദയത്തകർച്ചകൾ നേരിട്ടു, മുപ്പതാം പിറന്നാൾ ദിനത്തിൽ വെളിപ്പെടുത്തലുമായി മീര നന്ദൻ

ദിലീപ് ചിത്രം മുല്ലയിൽ അഭിനയരംഗത്തേക്ക് എത്തിയ താരമാണ് മീര നന്ദൻ, ഗായികയായി എത്തിയ മീര പിന്നീട് നായിക പദവി നേടിയെടുക്കുക ആയിരുന്നു. മലയാളത്തിന് പുറമെ അന്യഭാഷകളിലും മീര അഭിനയിച്ചു. ടെലിവിഷൻ പരിപാടികളിലും സ്റ്റേജ് ഷോകളിലും മീരനന്ദൻ അവതാരികയായി എത്തിയിട്ടുണ്ട്.  എന്നാൽ ഇപ്പോൾ താരം അഭിനയതിൽ നിന്നും മാറി നിൽക്കുകയാണ്. ഗൾഫിൽ ആർജെ ആയി വർക്ക് ചെയ്യുകയാണ് മീര ഇപ്പോൾ.

സിനിമയിൽ സജീവമല്ലെങ്കിലും സോഷ്യൽ മീഡിയിൽ താരം ആക്റ്റീവ് ആണ്. തന്റെ പുതിയ ചിത്രങ്ങൾ എല്ലാം തന്നെ പങ്കുവെക്കാറുണ്ട്. ഈ ഇടക്ക് താരത്തിനെതിരെ കടുത്ത സൈബർ ആക്രമണം നേരിട്ടിരുന്നു. മലയാളത്തിൽ മുല്ല, മല്ലു സിങ്, പുതിയ മുഖം, ലോക്പാൽ തുടങ്ങി ഒട്ടേറെ ചിത്രങ്ങളിൽ താരം വേഷമിട്ടിട്ടുണ്ട്. സിനിമയിൽ സജീവമല്ലെങ്കിലും സോഷ്യൽ മീഡിയയിൽ താരം ആക്റ്റീവ് ആണ്, തന്റെ വിശേഷങ്ങൾ എല്ലാം മീര ആരാധകരോട് പങ്കുവെക്കാറുണ്ട്.

ഇപ്പോൾ തന്റെ മുപ്പതാം പിറന്നാളിനോട് അനുബന്ധിച്ച് മീര പങ്കുവെച്ച പോസ്റ്റാണ് ഇപ്പോൾ ഏറെ ശ്രദ്ധ നേടുന്നത്, തനിക്ക് പ്രണയത്തകർച്ച ഉണ്ടായിട്ടുണ്ട് എന്ന് മീര തന്റെ പോസ്റ്റിൽ കൂടി പറയുന്നു, മീരയുടെ വാക്കുകൾ ഇങ്ങനെ

”എന്റെ 20 കളിലേക്ക് തുറന്ന മനസോടെ തിരഞ്ഞു നോക്കുമ്പോള്‍, ഞാന്‍ ഒരുപാട് പഠിച്ചുവെന്ന് തുറന്ന് സമ്മതിക്കണം. കഴിഞ്ഞ പതിറ്റാണ്ടില്‍ ഒരുപാട് പഠിച്ചു, ഒരുപാട് ആസ്വദിച്ചു. ഒരുപാട് ആദ്യാനുഭവങ്ങളുമുണ്ടായി. ഇന്നത്തെ എന്നിലേക്ക് എത്തിച്ചേരാന്‍ ഒന്നും മാറ്റാനാകില്ല. കയറ്റങ്ങളും ഇറക്കങ്ങളും”. മീര പറയുന്നു. ”അഭിനയത്തോടൊപ്പം തന്നെ ബിരുദം നേടാനായി. ദുബായിലേക്ക് താമസം മാറി. ഞാന്‍ ഇന്ന് ഏറെ ഇഷ്ടപ്പെടുന്ന റെഡിയോയില്‍ പയറ്റി നോക്കി. സ്വന്തം കാലില്‍ നില്‍ക്കുകയും സ്വാതന്ത്ര്യത്തില്‍ ഇഷ്ടം കണ്ടെത്തുകയും ചെയ്തു. പ്രണയത്തിലായി. ബ്രേക്ക് അപ്പുകളുണ്ടായി. ആദ്യം എന്നെ തന്നെ സ്നേഹിക്കണമെന്ന് പഠിച്ചു. എന്ത് സംഭവിച്ചാലും കുടുംബത്തിനാണ് പ്രഥമ പരിഗണന എന്നു മനസിലാക്കി”

”പുതിയ സുഹൃത്തുക്കളേയും ആത്മാര്‍ത്ഥ സുഹൃത്തക്കളേയും സ്വന്തമാക്കി. മഹാമാരി കാലത്തും നല്ല ദിനങ്ങള്‍ വരുമെന്ന പ്രതീക്ഷയുണ്ട്. എന്റെ 20 കള്‍ നല്ലതായിരുന്നു. 30കള്‍ കൂടുതല്‍ നല്ലതാകുമെന്ന് കരുതുകയും ചെയ്യുന്നു എന്ന് താരം വ്യക്തമാക്കി.