ആര്യ നായകനായെത്തിയ സൂപ്പര്‍ഹിറ്റ് ചിത്രമാണ് ‘സര്‍പ്പട്ട പരമ്പരൈ’. ജോണ്‍ കൊക്കനാണ് ചിത്രത്തില്‍ പ്രധാനപ്പെട്ടൊരു കഥാപാത്രത്തെ അവതരിപ്പിക്കുന്നത്. ജോണും നമ്മുടെ കുടുംബ വിളക്കിലെ സുമിത്രയും തമ്മില്‍ ഒരു ബന്ധമുണ്ട്. അത് എന്താണെന്ന് അറിയുമോ? സുമിത്ര എന്ന കഥാപാത്രത്തെ അവതരിപ്പിക്കുന്ന മീരാ വാസുദേവിന്റെ മുന്‍ഭര്‍ത്താവ് ആണ് ജോണ്‍.
മീരാ വാസുദേവുമായുള്ള വിവാഹമോചനത്തിനു ശേഷം മറ്റൊരു വിവാഹം ചെയ്യുകയായിരുന്നു ജോണ്‍. പൂജ രാമചന്ദ്രനെയാണ് ജോണ്‍ പിന്നീട് വിവാഹം ചെയ്തത്. 2019ലായിരുന്നു ഇരുവരുടേയും വിവാഹം. അടുത്തിടെ ഒരു മാധ്യമത്തിന് നല്‍കിയ അഭിമുഖത്തില്‍ കുടുംബ വിശേഷങ്ങള്‍ പങ്കുവെച്ചുകൊണ്ട് എത്തുകയാണ് ഇവര്‍. പ്രണയവിവാഹമായിരുന്നു ഇവരുടേതും. ഒരു സിനിമയുടെ ലൊക്കേഷനില്‍ വച്ചാണ് ആദ്യമായി പരിചയപ്പെടുന്നത്. ഭക്ഷണം, യാത്ര, സിനിമ ഈ കാര്യങ്ങളിലെല്ലാം ഇരുവരുടെയും ഇഷ്ടങ്ങള്‍ ഒരുപോലെ ആയിരുന്നു.
ആദ്യമൊക്കെ ജിം ബോഡി ഉള്ളവരെ തനിക്ക് ഇഷ്ടമല്ലായിരുന്നു എന്നാണ് പൂജ രാമചന്ദ്രന്‍ പറഞ്ഞത്. അത്തരം ആളുകളെ കണ്ടാല്‍ നോക്കാറില്ല. അങ്ങനെ ആളുകള്‍ മറ്റെന്തിനെക്കാളും കൂടുതല്‍ സ്‌നേഹിക്കുന്നത് സ്വന്തം ശരീരം തന്നെയായിരിക്കും. എന്നാല്‍ അടുത്തപ്പോഴാണ് വളരെ മൃദുലമായ ഒരു ഹൃദയത്തിന് ഉടമയാണ് ജോണ്‍ എന്ന് തനിക്ക് മനസ്സിലായത് എന്നും പൂജ രാമചന്ദ്രന്‍ പറയുന്നു. ആനിവേഴ്‌സറി ആണെങ്കിലും പിറന്നാള്‍ ആണെങ്കിലും വര്‍ക്ക്ഔട്ട് ചെയ്യുന്നതില്‍ മുടക്കം വരുത്താറില്ലെന്നും പൂജ കൂട്ടിച്ചേര്‍ത്തു.
