ഏറെ ആവേശത്തോടെ ആരാധകർ കാത്തിരുന്ന ചിത്രമായ കെ ജി എഫ് ചാപ്റ്റർ ടുവിന് വമ്പൻ സ്വീകരണമാണ് തിയറ്ററുകളിൽ ലഭിച്ചത്. റിലീസ് ആയി ആദ്യമണിക്കൂറിനുള്ളിൽ തന്നെ പോസിറ്റീവ് റിവ്യൂ ലഭിച്ച ഈ ചിത്രം കാണാൻ സിനിമാപ്രേമികളുടെ തിരക്കാണ്. സിനിമാ റിലീസ് ചെയ്ത അന്നു തന്നെ ചിത്രത്തിലെ മനോഹരമായ ‘മെഹബൂബ’ ഗാനം റിലീസ് ചെയ്തിരിക്കുകയാണ് അണിയറപ്രവർത്തകർ. ‘അപ്രതീക്ഷിതമായി ആണ് ഈ സോങ് വന്നത്. എന്തോ ഒരു സുഖം ആയിരുന്നു ഈ പാട്ടു പെട്ടന്ന് കേട്ടപ്പോൾ’, ‘ഇതുപോലെ ഒരു പടത്തിൽ റൊമാൻസ് കുത്തികേറ്റി ബോറടിപ്പിക്കാതെ ഈ ഒരു ഒറ്റ സോംഗ് കൊണ്ട് എന്താണോ ആവിശ്യം അത് കിട്ടിയിട്ടുണ്ട്. പ്രശാന്ത് നീൽ’, ‘ഈ പാട്ട് തിയറ്ററിൽ ഉണ്ടാക്കിയ ഓളം ചെറുതല്ല’, അങ്ങനെ പോകുന്നു പാട്ടിനെക്കുറിച്ചുള്ള കമന്റുകൾ.
അതേസമയം, കെ ജി എഫ് ചാപ്റ്റർ ടു നിരവധി റെക്കോർഡുകൾ മറികടക്കുമെന്നാണ് റിപ്പോർട്ടുകൾ. ഹിന്ദിയിൽ നിന്ന് മാത്രം ആദ്യദിവസം 50 കോടിയാണ് ചിത്രം നേടിയത്. കൃത്യമായ കണക്കുകൾ വന്നു തുടങ്ങുന്നതേയുള്ളൂ. ചിത്രത്തിന് വൻ അഭിപ്രായമാണ് ആദ്യദിവസങ്ങളിൽ ലഭിച്ചത്. ചിത്രം സകല റെക്കോർഡുകളും തകർക്കുമെന്നാണ് റിപ്പോർട്ടുകൾ. അതേസമയം, രണ്ടാം ഭാഗം കൊണ്ടും സിനിമ അവസാനിക്കുന്നില്ല എന്ന സൂചന നൽകിയാണ് കെ ജി എഫ് ചാപ്റ്റർ ടു അവസാനിക്കുന്നത്. ഇത് ഏതായാലും കെ ജി എഫ് ആരാധകരെ ആവേശത്തിന്റെ കൊടുമുടിയിൽ എത്തിച്ചിരിക്കുകയാണ്.
സിനിമയുടെ മൂന്നാം ഭാഗത്തിനെ കുറിച്ചുള്ള സൂചനകള്‍ നല്‍കുന്നത് സിനിമയുടെ എന്‍ഡ് ക്രെഡിറ്റ് സീനിലാണ്. ഹൊംബാല ഫിലിംസിന്റെ ബാനറിൽ പ്രശാന്ത് നീല്‍ സംവിധാനം ചെയ്ത കെജിഎഫ് ചാപ്റ്റർ ടുവും ആരാധകർ ഏറ്റെടുത്തു. യാഷ് തന്നെയാണ് ചിത്രത്തിന്റെ ഹൈലൈറ്റ്. ബോളിവുഡ് താരം സഞ്ജയ് ദത്താണ് മറ്റൊരു പ്രധാന ആകര്‍ഷണം. ഇവരെ കൂടാതെ പ്രകാശ് രാജ്, രവീണ ടണ്ഠന്‍, ശ്രീനിഥി ഷെട്ടി തുടങ്ങി വന്‍താരനിരയാണ് ചിത്രത്തില്‍. ആദ്യ ഭാഗം പോലെ തന്നെ കെജിഎഫ് 2 ഉം പ്രേക്ഷകര്‍ക്കിടയില്‍ തരംഗം സൃഷ്ടിച്ചു എന്നുതന്നെയാണ് തീയറ്റര്‍ പ്രതികരണങ്ങള്‍ സൂചിപ്പിക്കുന്നത്. പൃഥ്വിരാജ് പ്രൊഡക്ഷൻസും മാജിക് ഫ്രെയിംസും ചേർന്നാണ് കേരളത്തിൽ കെ ജി എഫ് ചാപ്റ്റർ ടു വിതരണത്തിന് എത്തിക്കുന്നത്. പ്രിവ്യൂ കണ്ടതിനു ശേഷം സിനിമ അത്ഭുതപ്പെടുത്തുന്നതാണെന്ന് ആയിരുന്നു പൃഥ്വിരാജിന്റെ റിവ്യൂ. രണ്ടാം ഭാഗത്തിൽ ബോളിവുഡ് താരം സഞ്ജയ് ദത്ത് ഒരു പ്രധാന കഥാപാത്രമായി എത്തുന്നു. അധീര എന്ന വില്ലൻ കഥാപാത്രമായാണ് സഞ്ജയ് ദത്ത് എത്തുന്നത്. പ്രശാന്ത് നീൽ ആണ് ചിത്രത്തിന്റെ സംവിധായകൻ. രവീണ ടണ്ടെന്‍, ശ്രീനിധി ഷെട്ടി, മാളവിക അവിനാഷ് എന്നിവരാണ് ചിത്രത്തിലെ മറ്റ് പ്രധാന അഭിനേതാക്കൾ.
