പ്രേക്ഷരുടെ പ്രിയനടിയാണ് മിയ, നിരവധി ആരാധകർ ആണ് താരത്തിന് ഉള്ളത്.മലയാളം, തമിഴ് ചിത്രങ്ങളിൽ തന്റെ കഴിവ് തെളിയിക്കാൻ താരത്തിന് കഴിഞ്ഞു. നിരവധി സിനിമകളിലൂടെ മലയാളി പ്രേക്ഷക മനസ്സിൽ സ്ഥാനം നേടിയ മിയ മലയാള സിനിമയിലെ മുൻനിര നായികമാരിൽ ഒരാൾ കൂടിയാണ്. അടുത്തിടെയാണ് താരം വിവാഹിതയായത്. വിവാഹ നിശ്ചയത്തിന്റെ ചിത്രങ്ങൾ പുറത്ത് വന്നതോടുകൂടിയാണ് താരത്തിന്റെ വിവാഹ വാർത്ത പുറം ലോകം അറിഞ്ഞത്. 
അശ്വിൻ ആണ് മിയയുടെ കഴുത്തിൽ താലി ചാർത്തിയത്. മിയയുടെ വിവാഹം ഉറപ്പിച്ചത് കൊറോണ സമയത്തായിരുന്നു അതുകൊണ്ട് തന്നെ നിശ്ചയവും വിവാഹവും എല്ലാം വളരെ ലളിതമായിട്ടാണ് നടത്തിയത്. എറണാകുളത്ത് കൺസ്‌ട്രക്‌ഷൻ കമ്പനി നടത്തുകയാണ് അശ്വിൻ. എറണാകുളത്ത് സെന്റ് മേരീസ് ബാസലിക്കയിൽ വെച്ചായിരുന്നു ഇരുവരും വിവാഹിതരായത്. തങ്ങളുടെ ഇഷ്ട്ടനായികയുടെ വിവാഹം ആരാധകർ സോഷ്യൽ മീഡിയയിൽ വലിയ ആഘോഷം ആക്കിയിരുന്നു. വിവാഹ ശേഷം താരം സിനിമയിലേക്ക് തിരിച്ച് വന്നതും വാർത്ത ആയിരുന്നു. 
ഇപ്പോഴിതാ മിയയും അശ്വിനും കൂടി വാഗമണിൽ തങ്ങളുടെ ഹണിമൂൺ ആഘോഷിക്കാൻ എത്തിയിരിക്കുകയാണ്. യൂട്യൂബർ ആയ മിയയുടെ സഹോദരി ജിനിയാണ് ഇതിന്റെ ദൃശ്യങ്ങൾ ആരാധകരുമായി പങ്കുവെച്ചത്. മിയയുടെ വിവാഹ നിശ്ചയവും ജിനി തന്നെയാണ് യൂട്യൂബ് വഴി ആരാധകരെ അറിയിച്ചത്. വീഡിയോ കാണാം
