ടീസർ എത്തിയതിനു പിന്നാലെ മീഡിയ മീറ്റുകളിലും മറ്റും സജീവ ചർച്ചയായി മാറി കഴിഞ്ഞിരുന്ന മുകൾപ്പരപ്പ് സിനിമയുടെ ട്രയിലർ റിലീസ് ചെയ്തു. മനോരമ മ്യൂസിക്കിന്റെ യുട്യൂബ് ചാനലിലൂടെയാണ് ചിത്രത്തിന്റെ ട്രയിലർ റിലീസ് ചെയ്തത്. തെയ്യം, പ്രണയം, പ്രകൃതി എന്നീ ഘടകങ്ങളുടെ അൺ യൂഷ്വൽ വിഷ്വൽ കട്ടിംഗുകൾ കൊണ്ട് സിനിമയിലേക്ക് കൃത്യവും വ്യക്തവുമായ സൂചന നൽകുന്നുണ്ട് ഈ ട്രയിലർ.
കൊച്ചിയിലെ മീഡിയ പ്ലസ് സാരഥിയും ഫിലിം എഡിറ്ററുമായ ലിൻസൺ റാഫേലാണ് മുകൾപ്പരപ്പിന്റെ ഗംഭീര ട്രെയ്ലർ ഒരുക്കിയത്. സിബി പടിയറ എഴുതി സംവിധാനം ചെയ്യുന്ന ചിത്രം സെപ്റ്റംബർ 1 ന് റിലീസ് ചെയ്യും. ജെ പി തവറൂൽ ആണ് നിർമ്മാണം .മലയാളത്തിന്റെ പ്രിയനടൻ മാമുക്കോയയുടെ അവസാനമായി അഭിനയിച്ച ചിത്രമാണിത് എന്ന പ്രത്യേകതയും ഉണ്ട്. തിങ്കളാഴ്ച നിശ്ചയം എന്ന ഹിറ്റിനു ശേഷം സുനിൽ സൂര്യ ഇതിൽ നായകനാകുന്നു. അപർണ ജനാർദ്ദനനാണ് നായിക. അലൻ വർഗീസ് പശ്ചാത്തല സംഗീതവും തീം സോങും ഒരുക്കിയിരിക്കുന്ന മുകൾപ്പരപ്പ് ട്രെയിലർ ഓണനാളുകളിൽ മലയാളികൾക്ക് ഒരു വേറിട്ട ദൃശ്യ അനുഭവമാകും.
ശിവദാസ് മട്ടന്നൂർ, ഉണ്ണിരാജ് ചെറുവത്തൂർ, മാമുക്കോയ, ഊർമിള ഉണ്ണി, ചന്ദ്രദാസൻ ലോകധർമ്മി, മജീദ്, ചിത്ര നായർ, ബിന്ദു കൃഷ്ണ, രജിത മധു, ജലജ റാണി, ലയ, ബീന കൊടക്കാട്, പ്രഭു രാജ്, ശ്രീഹരി, ജസ്റ്റിൻ മുണ്ടക്കൽ, ഹാഷിം ഇരിട്ടി, എന്നിവർക്കൊപ്പം ഒട്ടേറെ തെയ്യം കലാകാരൻമാരും ഈ ചിത്രത്തിൽ അഭിനയിക്കുന്നുണ്ട്. ജ്യോതിസ് വിഷന്റെ ബാനറിൽ നിർമ്മിക്കുന്ന ഈ ചിത്രത്തിൽ ജയപ്രകാശൻ കെ കെ സഹരചയിതാവും ഗാനരചയിതാവും കൂടിയാണ്.
ജോൺസ് പനയ്ക്കൽ, സിനു കെ. ഗോപാലകൃഷ്ണൻ സീതത്തോട്, ഷമൽ സ്വാമിദാസ്, ബിജോ മോഡിയിൽ കുമ്പളാംപൊയ്ക, ഹരിദാസ് പാച്ചേനി, മനോജ് സി.പി, ആദിത്യ പി.ഒ, അദ്വൈത് പി.ഒ, ലെജു നായർ നരിയാപുരം എന്നിവരാണ് ‘മുകൾപ്പരപ്പി’ന്റെ സഹ നിർമ്മാതാക്കൾ. ഛായാഗ്രഹണം – ഷിജി ജയദേവൻ,നിതിൻ കെ രാജ്,സംഗീതം – പ്രമോദ് സാരംഗ്, ജോജി തോമസ്, ഗാനരചന – ജെ പി തവറൂൽ, സിബി പടിയറ, എഡിറ്റർ- ലിൻസൺ റാഫേൽ, പശ്ചാത്തല സംഗീതം- അലൻ വർഗീസ്, ചീഫ് അസോസിയേറ്റ് ഡയറക്ടർ – ശ്രീകുമാർ വള്ളംകുളം,ഫിനാൻസ് കൺട്രോളർ – ടി പി ഗംഗാധരൻ, പ്രൊജക്റ്റ് മാനേജർ – ബെന്നി നെല്ലുവേലി, പ്രൊഡക്ഷൻ എക്സിക്യൂട്ടിവ്- പ്രവീൺ ശ്രീകണ്ഠപുരം. ഡിടിഎസ് മിക്സിംഗ്- ജുബിൻ രാജ്,പി ആർ ഒ-എ എസ് ദിനേശ്.
