സംഗീതസംവിധായകൻ ആണെങ്കിലും ഗോപി സുന്ദർ ഒരു വിവാദ നായകനാണ്. കാരണം, താരത്തിന്റെ പെൺസൗഹൃദങ്ങൾ തന്നെ. ഇപ്പോൾ ഇൻസ്റ്റഗ്രാമിൽ മയോനി എന്ന പ്രിയ നായർ പങ്കുവെച്ച ചിത്രങ്ങളാണ് വൈറലാരിക്കുന്നത്. ഗോപി സുന്ദറിന് ഒപ്പം ചേർന്നിരിക്കുന്ന ചിത്രങ്ങളാണ് പ്രിയ നായർ സോഷ്യൽ മീഡിയയിൽ പങ്കുവെച്ചത്. ‘എങ്ങനെ സ്നേഹിക്കണമെന്നും എങ്ങനെ ജീവിക്കണമെന്നും എന്നെ പഠിപ്പിച്ച, ഞാൻ സ്നേഹിക്കുന്ന ആൾക്കൊപ്പമുള്ള സന്തോഷകരമായ നിമിഷങ്ങൾ’ – എന്ന് കുറിച്ചാണ് മയോനി ഗോപി സുന്ദറിന് ഒപ്പമുള്ള ചിത്രങ്ങൾ പങ്കുവെച്ചത്. ഗോപി സുന്ദറിനെ മയോനി ടാഗ് ചെയ്യുകയും ചെയ്തു. ഇരുവരും കമന്റ് ബോക്സ് ഓഫ് ചെയ്തു വെച്ചിരിക്കുകയാണ്.
അഭയ ഹിരൺമയിയുമായുള്ള ബന്ധം അവസാനിപ്പിച്ചതിനു ശേഷം ഗായിക അമൃത സുരേഷുമായി പ്രണയത്തിൽ ആയിരുന്നു ഗോപി സുന്ദർ. എന്നാൽ, കഴിഞ്ഞ കുറേ നാളുകളായി അമൃതയ്ക്ക് ഒപ്പമുള്ള ഫോട്ടോകൾ ഒന്നും സോഷ്യൽ മീഡിയയിൽ പങ്കുവെയ്ക്കാറില്ല. ബന്ധത്തെക്കുറിച്ച് ഇരുവരും ഒന്നും തുറന്നു പറഞ്ഞിട്ടുമില്ല. ഇരുവരും വേർപിരിഞ്ഞെന്ന വിധത്തിൽ അഭ്യൂഹങ്ങൾ പരക്കുന്നുണ്ടെങ്കിലും രണ്ടു പേരും ഇക്കാര്യത്തിൽ യാതൊരുവിധ വിശദീകരണവും നൽകിയിട്ടില്ല.
അടുത്തിടെ സംഗീത പരിപാടിയുമായി ബന്ധപ്പെട്ട് വിദേശത്ത് ആയിരുന്നു ഗോപി സുന്ദർ. അവിടെ നിന്ന് പങ്കുവെച്ച ഫോട്ടോകളിൽ മയോനിക്ക് ഒപ്പമുള്ള ഫോട്ടോകളും ഉണ്ടായിരുന്നു. നേരത്തെയും പ്രിയ നായർ എന്ന മയോനിക്ക് ഒപ്പമുള്ള ചിത്രങ്ങൾ ഗോപി സുന്ദർ പങ്കുവെച്ചിരുന്നു. ഇത്തരത്തിലുള്ള ഒരു ചിത്രമാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.
View this post on Instagram
