ഇരട്ടക്കുഞ്ഞുങ്ങള്‍ പിറന്ന ശേഷമുള്ള ആദ്യ ക്രിസ്മസ് ആഘോഷമാക്കി നയന്‍താരയും വിഘ്‌നേഷ് ശിവനും. ഇരട്ടക്കുഞ്ഞുങ്ങളെ ഉയിരും ഉലകവും എന്ന് വിശേഷിപ്പിച്ചുകൊണ്ടുള്ള പോസ്റ്റ് വിഘ്‌നേഷ് ശിവനാണ് ഇന്‍സ്റ്റഗ്രാമില്‍ പങ്കുവച്ചത്. നിരവധി പേരാണ് പോസ്റ്റിന് ലൈക്കുമായി എത്തിയത്.
View this post on Instagram
‘ഉയിര്‍, ഉലകം, നയന്‍, വിക്കി ആന്‍ഡ് കുടുംബം. നിങ്ങള്‍ക്ക് ക്രിസ്മസ് ആശംസകളും പുതുവത്സരാശംസകളും നേരുന്നു. സമൃദ്ധമായ സ്‌നേഹം! നിങ്ങള്‍ എപ്പോഴും സ്വപ്‌നം കണ്ട ഒരു ജീവിതം നയിക്കാന്‍ എല്ലാവര്‍ക്കും എല്ലാ സന്തോഷവും അനുഗ്രഹങ്ങളും ഉണ്ടാകട്ടയെന്ന് ദൈവത്തോട് പ്രാര്‍ത്ഥിക്കുന്നു!. ദൈവം അനുഗ്രഹിക്കട്ടെ’, ചിത്രം പങ്കുവച്ച് വിഘ്‌നേഷ് ശിവന്‍ കുറിച്ചു.
നീണ്ട നാളത്തെ പ്രണയത്തിനൊടുവില്‍ ജൂണ്‍ ഒന്‍പതിനായിരുന്നു വിഘ്‌നേഷ് ശിവനും നയന്‍താരയും വിവാഹിതരായത്. ചെന്നൈ മഹാബലിപുരത്തായിരുന്നു വിവാഹചടങ്ങുകള്‍ നടന്നത്. തെന്നിന്ത്യ അടുത്തിടെ കണ്ട ഏറ്റവും വലിയ ആഢംബര വിവാഹമായിരുന്നു നയന്‍താരയുടേയും വിഘ്‌നേഷ് ശിവന്റേയും. ബോളിവുഡ് താരം ഷാരൂഖ് ഖാന്‍, രജനീകാന്ത്, കമല്‍ഹാസന്‍, സൂര്യ, കാര്‍ത്തി, അജിത്ത്, ജ്യോതിക, സംവിധായകന്മാരായ ഗൗതം വാസുദേവ മേനോന്‍, അറ്റ്‌ലി തുടങ്ങി വന്‍താരനിരയാണ് വിവാഹത്തില്‍ പങ്കെടുത്തത്.
