മകളെ നെഞ്ചോട് ചേര്‍ത്ത് ഉറക്കി നീരജ് മാധവ്, ചിത്രങ്ങൾ ഏറ്റെടുത്ത് ആരാധകർ

മലയാള സിനിമ രംഗത്തെ യുവനടന്മാരില്‍ വളരെ  ശ്രദ്ധേയനായ നടൻ  നീരജ് മാധവിനും ഭാര്യ ദീപ്തിക്കും കഴിഞ്ഞ മാസമാണ് ഒരു പെണ്‍കുഞ്ഞ് പിറന്നത്.ആദ്യത്തെ ജന്മദിനം അച്ഛനായതിനു ശേഷം  ആഘോഷിക്കുന്നതിന്റെ അതിയായ സന്തോഷത്തിലാണ് നീരജ്. മകളെ കയ്യിലെടുത്തു നില്‍ക്കുന്ന ഏതാനും ചിത്രങ്ങളാണ് നീരജ് ഇപ്പോള്‍ പങ്കുവയ്ക്കുന്നത്.നീരജ് മാധവും ദീപ്‍തിയും ഏറെക്കാലത്തെ പ്രണയത്തിന് ഒടുവിൽ  2018ലാണ്  വിവാഹിതരാകുന്നത്. കോഴിക്കോട് കാരപ്പറമ്ബ് സ്വദേശിനിയാണ് ദീപ്തി.

നീരജ് സിനിമമേഖലയിലേക്കെത്തുന്നത് 2013ല്‍ പുറത്തിറങ്ങിയ ‘ബഡ്ഡി’ എന്ന ചിത്രത്തിലൂടെയാണ്.അതിന് ശേഷം ദൃശ്യത്തിലെ മോനിച്ചന്‍ ആണ് നീരജിനെ ശ്രദ്ധേയനാക്കിയത്.’പൈപ്പിന്‍ ചുവട്ടിലെ പ്രണയം’ എന്ന ചിത്രത്തിലൂടെ നായകനായി.അതെ പോലെ തന്നെ ‘ലവകുശ’ എന്ന ചിത്രത്തിന്റെ തിരക്കഥ നീരജിന്റേതായിരുന്നു. ബോളിവുഡ് വെബ്‌സീരീസായ ‘ദി ഫാമിലി മാന്‍’ നീരജിന് കൂടുതല്‍ ആരാധകരെ സൃഷ്ടിച്ചു.

ലോക്ക്ഡൗണ്‍ സമയത്ത് റാപ്പ് ഗാനങ്ങളുമായി എത്തി തരംഗമായി മാറിയ താരം കൂടിയാണ് നീരജ് മാധവ്. ആദ്യം പുറത്തിറങ്ങിയ ‘പണിപാളി’ എന്ന റാപ്പ് ഗാനം സൂപ്പർ  ഹിറ്റായിരുന്നു. നീരജിന്റെ ‘പണിപാളി’ റാപ്പിന് നിരവധി കവര്‍ വെര്‍ഷനുകളും പാരഡികളും വന്നതോടെ സംഭവം സൂപ്പര്‍ ഹിറ്റായി. കുട്ടികള്‍ അടക്കം മുതിര്‍ന്നവര്‍ വരെ പാടി നടന്ന ആ ഹിറ്റ് ഗാനത്തിനു ശേഷം  ‘അക്കരപ്പച്ച’ എന്നൊരു റാപ്പ് കൂടെ നീരജ് പുറത്തിറക്കിയിരുന്നു.