ദിലീഷ് പോത്തൻ ഒരുക്കിയ തൊണ്ടിമുതലും ദൃക്‌സാക്ഷിയും എന്ന ചിത്രത്തിലൂടെ അഭിനയ രംഗത്തേക്ക് കടന്നു വന്ന നിമിഷ സജയൻ ഇന്ന് മലയാള സിനിമയിൽ ഏറെ തിരക്കേറിയ നായികയായി തീർന്നിരിക്കുകയാണ്. ഈട, ചോല, ഒരു കുപ്രസിദ്ധ പയ്യൻ എന്നിങ്ങനെ നിരവധി മികച്ച ചിത്രങ്ങളുടെ ഭാഗമായ നിമിഷ ചോല, ഒരു കുപ്രസിദ്ധ പയ്യൻ എന്നീ ചിത്രങ്ങളിലെ അഭിനയത്തിന് കേരള സംസ്ഥാന സർക്കാരിന്റെ മികച്ച നടിക്കുള്ള പുരസ്കാരവും നേടിയെടുത്തിട്ടുണ്ട്. ദി ഗ്രേറ്റ് ഇന്ത്യൻ കിച്ചൻ, നായാട്ട്, ഫഹദ് ഫാസിൽ നായകനായ മാലിക്ക് എന്നീ ചിത്രങ്ങളിലെ പ്രകടനത്തിന് പ്രേക്ഷകരിൽ നിന്നും മികച്ച കൈയ്യടിയാണ് താരം നേടിയത്. നിവിൻ പോളി നായകനായ തുറമുഖമാണ് നിമിഷയുടെ പ്രദർശനത്തിന് ഒരുങ്ങുന്ന ചിത്രം.
ജിസ് ജോയ് ഒരുക്കുന്ന പുതിയ ത്രില്ലർ ചിത്രത്തിൽ ആസിഫ് അലിക്കും ആന്റണി വർഗീസിനുമൊപ്പം നിമിഷ അഭിനയിക്കുന്നുണ്ട്. ചിത്രത്തില്‍ സിദ്ദിഖ്, അതുല്യ, റെബേക്കാ മോണിക്കാ ജയന്‍, ഡോ.റോണി ഡേവിഡ്, ശ്രീലഷ്മി, ശ്രീഹരി എന്നിവരും പ്രധാന താരങ്ങളാണ്. ബോബി-സഞ്ജയ് യുടേതാണ് ഈ ചിത്രത്തിന്റെ കഥ.
ഇപ്പോഴിതാ മഴ നനഞ്ഞ് അരുവിയിലെ വെള്ളം തത്തിക്കളിക്കുന്ന നിമിഷയുടെ വീഡിയോയാണ് സോഷ്യൽ മീഡിയ കീഴടക്കുന്നത്. നടി തന്നെയാണ് വീഡിയോ ഇൻസ്റ്റാഗ്രാമിലൂടെ പ്രിയപ്പെട്ട ആരാധകർക്കായി പങ്ക് വെച്ചത്. ഇതിനിടയിൽ ബോളിവുഡിലും താരം അരങ്ങേറ്റത്തിന് ഒരുങ്ങുകയാണ്.
View this post on Instagram
