“തന്റെ വണ്ണത്തെ കുറിച്ചും പൊക്കത്തെ കുറിച്ചും ഉള്ള കമന്റുകൾ ഒന്നും ബാധിക്കാറില്ല” മനസ്സ് തുറന്ന് നിത്യാ മേനോൻ

തെന്നിന്ത്യയിലും ബോളിവുഡിലും തന്റേതായ സ്ഥാനം ഉറപ്പിച്ച് എടുത്ത താരമാണ് നിത്യ മേനോൻ. സ്വന്തം നിലപാടിൽ ഉറച്ചു നിക്കുന്ന താരം വിമർശനങ്ങൾക്കും ഇരയാകാറുണ്ട്. ഹനുമാൻ എന്ന ഇംഗ്ലീഷ് ചിത്രത്തിൽ ആദ്യമായി വേഷമിട്ട നിത്യാമേനോൻ വീണ്ടും മലയാളത്തിലേക്ക് എത്തിയത് ആകാശഗോപുരം എന്ന മോഹൻലാൽ ചിത്രത്തിലൂടെയാണ്. കോളാമ്പി ആയിരുന്നു നിത്യയുടെ അവസാനത്തെ മലയാളചിത്രം. ഒട്ടുമിക്ക സൂപ്പർ താരങ്ങളുടെയും നായികാ വേഷങ്ങൾ നിത്യാമേനോൻ ചെയ്തിട്ടുണ്ട്. സിനിമയ്ക്ക് അകത്തുനിന്നും പുറത്തുനിന്നും വരുന്ന വണ്ണത്തെ കുറിച്ചും പൊക്കത്തെ കുറിച്ചും ഉള്ള കമന്റുകൾ ഒന്നും തന്നെ ബാധിക്കാറില്ല എന്നു താൻ പ്രാധാന്യം നൽകുന്നത് അഭിനയത്തിനാണ് എന്നും താരം പറയുന്നു.

“സിനിമയിൽ പെർഫോമൻസാണ് ഒന്നാമത്തെ കാര്യം. ശരീര സൗന്ദര്യത്തിന് അതുകഴിഞ്ഞേ സ്ഥാനമുളളൂ.
ഒരു നിമിഷത്തിൽ സംഭവിക്കുന്ന അത്ഭുതമാണ് എനിക്ക് അഭിനയം. അതുകൊണ്ട് അതിന്റെ ക്രെഡിറ്റും എടുക്കാനാവില്ല. പിിന്നെ പുതിയ ഭാഷകൾ പഠിക്കാനും സംസാരിക്കാനും ഇഷ്ടമാണ്. എല്ലാ ഭാഷയിലും സ്വന്തം ശബ്ദത്തിലാണ് ഡബ്ബ് ചെയ്യുന്നത്. ഓരോ ഭാഷയിലെ സെറ്റിലും അതേ ഭാഷയിൽ തന്നെ സംസാരിക്കാൻ ശ്രമിക്കാറുണ്ട്. ആളുകളോട് അവരുടെ സ്വന്തം ഭാഷയിൽ സംസാരിക്കാൻ ഇഷ്ടമാണെനിക്ക്”. നിത്യ മേനോൻ പറയുന്നു.