രമേഷ് പിഷാരടി നായകനായെത്തുന്ന ‘നോ വേ ഔട്ട് ‘ ടൈറ്റില്‍ പോസ്റ്റര്‍ പുറത്ത്. നടന്‍ കുഞ്ചാക്കോ ബോബന്റെ ഫേസ് ബുക്ക്, ഇന്‍സ്റ്റാഗ്രാം പേജുകളിലൂടെയാണ് പോസ്റ്റര്‍ റിലീസ് ചെയ്തത്. നവാഗതനായ നിധിന്‍ ദേവീദാസാണ് സംവിധായകന്‍. ചിത്രത്തിന്റെ കഥയും നിധിന്റേതാണ്. റിമൊ എന്റര്‍ടെയ്ന്‍മെന്റ്‌സിന്റെ ബാനറില്‍ റിമോഷ് എം എസ് ആണ് നിര്‍മ്മാണം.
2008ല്‍ പുറത്തിറങ്ങിയ ‘പോസിറ്റീവ്’ എന്ന സിനിമയിലൂടെയാണ് പിഷാരടി സിനിമാ ലോകത്തേക്ക് എത്തിയത്. ചലച്ചിത്ര ലോകത്ത് എത്തുന്നതിന് മുന്‍പ് സലിം കുമാറിന്റെ മിമിക്രി ട്രൂപ്പായ ‘കൊച്ചിന്‍ സ്റ്റാലിയന്‍സി’ല്‍ രമേഷ് പിഷാരടി പ്രവര്‍ത്തിച്ചിട്ടുണ്ട്. ഏഷ്യാനെറ്റ് പ്ലസ് ചാനലില്‍ ധര്‍മ്മജന്‍ ബോള്‍ഗാട്ടിയോടൊപ്പം ബ്ലഫ് മാസ്റ്റേഴ്‌സ് എന്ന ഹാസ്യപരിപാടിയുടെ അവതാരകനായി ശ്രദ്ധിക്കപ്പെട്ടു. 2018 ല്‍ പഞ്ചവര്‍ണ്ണതത്ത എന്ന ചിത്രത്തിലൂടെ പിഷാരടി ചലച്ചിത്രസംവിധായകനായി. പിന്നീട് മമ്മൂട്ടിയെ നായകനാക്കി ‘ഗാനഗന്ധര്‍വന്‍’ എന്ന പേരില്‍ എന്ന സിനിമയും സംവിധാനം ചെയ്തിട്ടുണ്ട്. താഹ സംവിധാനം ചെയ്ത ‘കപ്പല് മുതലാളി’യാണ് പിഷാരടി നായകനായെത്തിയ ആദ്യ ചിത്രം.
സര്‍വൈവല്‍ ത്രില്ലര്‍ വിഭാഗത്തില്‍ പെടുന്ന സിനിമയാണിത്. രമേഷ് പിഷാരടിക്കൊപ്പം ബേസില്‍ ജോസഫ്, രവീണ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഛായാഗ്രഹണം വര്‍ഗീസ് ഡേവിഡ്. എഡിറ്റിംഗ് കെ ആര്‍ മിഥുന്‍. ഛായാഗ്രഹണം വര്‍ഗീസ് ഡേവിഡ്, എഡിറ്റര്‍ കെ ആര്‍ മിഥുന്‍, സംഗീതം കെ ആര്‍ രാഹുല്‍, ചീഫ് അസോസിയേറ്റ് ഡയറക്ടര്‍ ആകാശ് രാംകുമാര്‍, കലാ സംവിധാനം ഗിരീഷ് മേനോന്‍, വസ്ത്രാലങ്കാരം സുജിത് മട്ടന്നൂര്‍, മേക്കപ്പ് അമല്‍ ചന്ദ്രന്‍, സംഘട്ടനം മാഫിയ ശശി, പ്രോഡക്ഷന്‍ കണ്‍ട്രോളര്‍ വിനോദ് പറവൂര്‍. സ്റ്റില്‍സ് ശ്രീനി മഞ്ചേരി, ഡിസൈന്‍സ് റിത്വിക് ശശികുമാര്‍, പി ആര്‍ ഒ മഞ്ജു ഗോപിനാഥ്.
