യുവതാരങ്ങളായ ഷൈൻ ടോം ചാക്കോ, ദേവ് മോഹൻ, വിനായൻ എന്നിവരെ പ്രധാന കഥാപാത്രങ്ങളാക്കി സംവിധായകൻ ലിയോ തദേവൂസ് ഒരുക്കുന്ന ‘പന്ത്രണ്ട്’ തിയറ്ററുകളിൽ റിലീസ് ചെയ്യും. ജൂൺ പത്തിനാണ് ചിത്രം തിയറ്ററുകളിൽ റിലീസ് ചെയ്യുന്നത്. ചിത്രത്തിൽ ലാലും ഒരു പ്രധാനവേഷത്തിൽ എത്തുന്നുണ്ട്. ലോകമെമ്പാടുമുള്ള തിയറ്ററുകളിൽ ചിത്രം ജൂൺ പത്തിന് റിലീസ് ചെയ്യും.
ലിയോ തദേവൂസ് തന്നെയാണ് ചിത്രത്തിന്റെ തിരക്കഥ. സ്കൈ പാസ് എന്റര്‍ടൈന്‍മെന്റിന്റെ ബാനറില്‍ വിക്ടര്‍ എബ്രഹാം ആണ് ചിത്രം നിര്‍മ്മിക്കുന്നത്. ഛായാഗ്രഹണം സ്വരൂപ് ശോഭ ശങ്കര്‍ ആണ്. സംവിധായകൻ ഭദ്രന്റെ അസിസ്റ്റന്റ് ആയിരുന്ന ലിയോ തദേവൂസ് ജയറാമിനെ നായകനാക്കി ഒരുക്കിയ ലോനപ്പന്റെ മാമ്മോദീസ എന്ന ചിത്രത്തിന് ശേഷമുള്ള ചിത്രമാണ് പന്ത്രണ്ട്. പയ്യൻസ്, പച്ചമരത്തണലിൽ, ഒരു സിനിമാക്കാരൻ എന്നിവയാണ് ലിയോ തദേവൂസിന്റെ മറ്റ് ചിത്രങ്ങൾ. സോഹൻ സീനുലാൽ, പ്രശാന്ത് മുരളി, വെട്ടുകിളി പ്രകാശ്, ജയകൃഷ്ണൻ, വിനീത് തട്ടിൽ, ജെയിംസ് ഏലിയ, ഹരി, സുന്ദര പാണ്ഡ്യൻ, ശ്രിന്ദ, വീണ നായർ, ശ്രീലത നമ്പൂതിരി തുടങ്ങിയവരാണ് ചിത്രത്തിലെ മറ്റു പ്രധാന അഭിനേതാക്കൾ. സംഗീതം – അൽഫോൻസ് ജോസഫ്, വരികൾ – ബി കെ ഹരിനാരായണന്‍, ജോ പോൾ.
എഡിറ്റർ – നബു ഉസ്മാൻ, ലൈൻ പ്രൊഡ്യൂസർ – ഹാരീസ് ദേശം, പ്രൊഡക്ഷന്‍ കണ്‍ട്രോളർ – ബിനു മുരളി, പ്രൊഡക്ഷന്‍ ഡിസൈനർ – ജോസഫ് നെല്ലിക്കല്‍, വസ്ത്രാലങ്കാരം – ധന്യ ബാലകൃഷ്ണന്‍, മേക്കപ്പ് – അമല്‍ ചന്ദ്രന്‍, സ്റ്റില്‍സ് – റിഷാജ് മുഹമ്മദ്, ഡിസൈൻ – പോപ്‌കോണ്‍, സൗണ്ട് ഡിസൈനർ – ടോണി ബാബു, ആക്ഷന്‍ – ഫീനിക്‌സ് പ്രഭു, വി എഫ് എക്സ് – മാത്യു മോസസ്, ചീഫ് അസോസിയേറ്റ് ഡയറക്ടർ – സുകു ദാമോദർ, അസോസിയേറ്റ് ഡയറക്ടർ – ഹരീഷ് സി പിള്ള, മോഷൻ പോസ്റ്റർ – ബിനോയ് സി സൈമൺ – പ്രൊഡക്ഷൻ മാനേജർ – നികേഷ് നാരായൺ, പ്രൊഡക്ഷൻ എക്സിക്യൂട്ടീവ് – വിനോഷ് കൈമൾ.
