ത്രില്ലർ സ്വഭാവമുള്ള ഫാമിലി ഇമോഷണൽ മൂവിയായ ‘പത്താം വളവ്’ ട്രയിലർ റിലീസ് ചെയ്തു. എം പത്മകുമാർ സംവിധാനം ചെയ്യുന്ന ചിത്രത്തിൽ ഇന്ദ്രജിത്ത് സുകുമാരൻ, സുരാജ് വെഞ്ഞാറമൂട് എന്നിവരാണ് പ്രധാനവേഷത്തിൽ എത്തുന്നത്. ജോസഫ് എന്ന ചിത്രത്തിനു ശേഷം എം പത്മകുമാർ സംവിധാനം ചെയ്യുന്ന ചിത്രമാണ് പത്താംവളവ്. അതിഥി രവി, സ്വാസിക എന്നിവരാണ് ചിത്രത്തിൽ നായികമാരായി എത്തുന്നത്. നടി മുക്തയുടെ മകൾ കൺമണിയും ഈ സിനിമയിൽ അഭിനയിക്കുന്നുണ്ട്.
വർഷങ്ങൾക്ക് മുമ്പ് നടന്ന ഒരു യഥാർത്ഥ സംഭവത്തെ ആസ്പദമാക്കിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അഭിലാഷ് പിള്ളയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ബോളിവുഡ് നിർമാണ കമ്പനിയായ മുംബൈ മൂവി സ്റ്റുഡിയോസ് ആദ്യമായി മലയാള സിനിമയിലേക്ക് എത്തുന്നു എന്ന പ്രത്യേകതയും പത്താം വളവിനുണ്ട്. റുസ്തം, ലഞ്ച് ബോക്സ് തുടങ്ങിയ ചിത്രങ്ങളുടെ നിർമാതാവായ നിതിൻ കേനിയുടെയും നവീൻ ചന്ദ്രയുടെയും പങ്കാളിത്തത്തിൽ ഉള്ള കമ്പനിയാണ് എം എം സ്. യു ജി എം പ്രൊഡക്ഷൻസിന്റെ ബാനറിൽ ഡോക്ടർ സക്കറിയ തോമസ്, ശ്രീജിത്ത് രാമചന്ദ്രൻ, ജിജോ കാവനാൽ, പ്രിൻസ് പോൾ എന്നിവർ ചേർന്നാണ് ചിത്രം നിർമിക്കുന്നത്.
ഛായാഗ്രഹണം – രതീഷ് റാം. സംഗീതം – രഞ്ജിൻ രാജ്, അജ്മൽ അമീർ അനീഷ് ജി മേനോൻ, സുധീർ കരമന, സോഹൻ സീനു ലാൽ, മേജർ രവി, രാജേഷ് ശർമ്മ, ഇടവേള ബാബു,നന്ദൻ ഉണ്ണി, ജയകൃഷ്ണൻ, ഷാജു ശ്രീധർ, നിസ്‌താർ അഹമ്മദ്‌, തുഷാര പിള്ള, അമ്പിളി തുടങ്ങിയവർ അഭിനയിക്കുന്നു. നടി മുക്തയുടെ മകൾ കണ്മണി ആദ്യമായി പത്താം വളവിലൂടെ അഭിനയരംഗത്ത് എത്തുന്നു എന്ന പ്രത്യേകതയുമുണ്ട്. എഡിറ്റർ – ഷമീർ മുഹമ്മദ്‌, പ്രൊജക്റ്റ്‌ ഡിസൈൻ – നോബിൾ ജേക്കബ്, കോസ്റ്റ്യൂം ഡിസൈനർ – ഐഷ ഷഫീർ, ആർട്ട്‌ – രാജീവ്‌ കോവിലകം, മേക്കപ്പ് – ജിതേഷ് പൊയ്യ, പി ആർ – ആതിര ദിൽജിത്ത്, വാഴൂർ ജോസ്.
