ജനപ്രിയ നായകൻ ദിലീപ് നായകനായി എത്തുന്ന ഏറ്റവും പുതിയ ചിത്രമാണ്. ചിത്രത്തിലെ ‘പിറകിലാരോ വിളിച്ചോ, മധുരനാരകം പൂത്തോ’ എന്ന വിഡിയോ ഗാനം ഏപ്രിൽ മൂന്നിന് ആയിരുന്നു റിലീസ് ചെയ്തു. ദിവസങ്ങൾ കഴിയുമ്പോൾ വിഡിയോ സോംഗ് വൺ മില്യൺ വ്യൂസും കടന്ന് മുന്നേറുകയാണ്. കാതിന് ഇമ്പവും കണ്ണിനു കുളിർമയും നൽകുന്ന ഗാനമാണ് ഇതെന്നാണ് ആരാധകർ കമന്റ് ബോക്സിൽ കുറിച്ചത്. നല്ലൊരു സിനിമയ്ക്കായി കാത്തിരിക്കുകയാണെന്നും ആരാധകർ പറഞ്ഞു.
ദിലീപ് നായകനായി എത്തുന്ന ‘പവി കെയർടേക്കർ’ വിനീത് കുമാർ ആണ് ചിത്രം സംവിധാനം ചെയ്യുന്നത്. രാജേഷ് രാഘവൻ തിരക്കഥ ഒരുക്കുന്ന ചിത്രം നിർമിക്കുന്നതും ദിലീപ് തന്നെയാണ്. നടൻ വിനീത് കുമാർ സംവിധാനം ചെയ്യുന്ന മൂന്നാമത്തെ ചിത്രമാണ് പവി കെയർ ടേക്കർ. അയാൾ ഞാനല്ല, ഡിയർ ഫ്രണ്ട് എന്നീ ചിത്രങ്ങൾക്ക് ശേഷം വിനീത് കുമാർ സംവിധാനം ചെയ്യുന്ന ചിത്രമാണ് ഇത്.
ദിലീപിന്റെ 149-ാമത്തെ ചിത്രമാണ് പവി കെയർടേക്കർ. രാജേഷ് രാഘവൻ തിരക്കഥയെഴുതുന്നു. സനു താഹിറാണ് ചിത്രത്തിന്റെ ഛായാഗ്രഹണം. സംഗീതം മിഥുൻ മുകുന്ദനാണ്. ദീപു ജോസഫാണ് എഡിറ്റർ, റോഷൻ ചിറ്റൂർ പ്രൊജക്ട് ഹെഡ്. ഷിബു ചക്രവർത്തിയും വിനായക് ശശികുമാറും ചേർന്നാണ് ദിലീപ് നായകനാകുന്ന ചിത്രത്തിലെ ഗാനങ്ങളുടെ വരികൾ എഴുതിയിരിക്കുന്നത്. സമീറ സനീഷ് വസ്ത്രാലങ്കാരവും മേക്കപ്പ് റോണക്സ് സേവ്യറുമാണ്. ചിത്രത്തിന്റെ സൗണ്ട് ഡിസൈൻ ശ്രീജിത്ത് ശ്രീനിവാസൻ നിർവഹിക്കും.
