സിനിമാ സീരിയല്‍ താരമായി മലയാളി പ്രേക്ഷകര്‍ക്ക് ഒന്നടങ്കം പ്രിയങ്കരിയായ താരമാണ് പൂര്‍ണിമ ഇന്ദ്രജിത്ത്. അഭിനയത്തിന് പുറമെ അവതാരകയായും പൂര്‍ണിമ തിളങ്ങിയിരുന്നു. നടിയുടെ കുടുംബത്തിന്‌റെ പുതിയ വിശേഷങ്ങള്‍ അറിയാനെല്ലാം ആരാധകര്‍ കാത്തിക്കാറുണ്ട്.
ഇന്ദ്രജിത്തിനും പൂര്‍ണിമയ്ക്കുമൊപ്പം മക്കളായ പ്രാര്‍ത്ഥനയും നക്ഷത്രയുമെല്ലാം സോഷ്യല്‍ മീഡിയയിലെ താരങ്ങളാണ്. തങ്ങളുടെ എറ്റവും വിശേഷങ്ങളും ചിത്രങ്ങളും വീഡിയോസുമെല്ലാം ഇവരെല്ലാം സമൂഹ മാധ്യമങ്ങളിലെ പേജുകളിലൂടെ പങ്കുവെക്കാറുണ്ട്.
ഒരിടവേളയ്ക്ക് ശേഷം ആഷിക്ക് അബു സംവിധാനം ചെയ്ത വൈറസ് എന്ന ചിത്രത്തിലൂടെയായിരുന്നു പൂര്‍ണിമ തിരിച്ചുവരവ് നടത്തിയത്. പിന്നാലെ രാജീവ് രവി സംവിധാനം ചെയ്ത തുറമുഖം എന്ന ചിത്രത്തിലും നടി അഭിനയിച്ചു. അതേസമയം അഭിനയത്തിന് പുറമെ ബിസിനസ് രംഗത്തും നടി തിളങ്ങിയിരുന്നു.
ഇപ്പോൾ പൂർണിമ പങ്കുവെച്ച പുത്തൻ ചിത്രങ്ങൾ ആണ് സോഷ്യൽ മീഡിയ ഏറ്റെടുത്തിരിക്കുന്നത്, പൂർണിമക്കൊപ്പം ചിത്രത്തിൽ മഞ്ജു വാരിയരും, ഗീതു മോഹൻദാസും, സംയുക്ത വർമയും ഉണ്ട്, ഇത് ഓർമ്മയുണ്ടോ എന്ന് ചോദിച്ചാണ് പൂർണിമ ചിത്രങ്ങൾ പങ്കുവെച്ചിരിക്കുന്നത്.
