കഴിഞ്ഞ ദിവസം ആണ് രജനി ചാണ്ടിയുടെ ഏറ്റവും പുതിയ ഫോട്ടോഷോട്ട് സോഷ്യൽ മീഡിയയിൽ വൈറൽ ആയി മാറിയത്. നിരവധി പേരാണ് താരത്തിന് ആശംസകളുമായി വന്നത്. എന്നാൽ താരത്തിന് വസ്ത്രധാരത്തിന്റെ പേരിൽ നിരവധി സൈബർ ആക്രമണങ്ങൾ ആണ് നേരിടേണ്ടി വന്നത്. പ്രായത്തിന് ചേർന്ന വസ്ത്രധാരണമല്ല രജനിയുടേത് എന്നാണ് ഒരുകൂട്ടം ആളുകൾ പറയുന്നത്. രജനിയുടെ പ്രായവും വസ്ത്രധാരണവും ഈ കൂട്ടർക്ക് ഒട്ടും ദഹിച്ചിട്ടില്ല. ഇപ്പോൾ രജനിയെ പിന്തുണച്ച് കൊണ്ട് നിഖിൽ നരേന്ദ്രൻ എന്ന യുവാവ് തന്റെ ഫേസ്ബുക്കിൽ കുറിച്ച വാക്കുകൾ ആണ് ശ്രദ്ധ നേടുന്നത്. കുറിപ്പ് വായിക്കാം. 
മമ്മൂട്ടി, ഇന്ദ്രൻസ് മുതൽ മാമുക്കോയയുടെ വരെയുള്ള സ്റ്റൈലിഷ് ഫോട്ടോ ഷൂട്ടുകൾക്ക് താഴെയുള്ള കമന്റുകൾ ” Age is Just a number, attitude is everything, ഇജ്ജാതി പവർ , ഇജ്ജാതി എനർജി ” ഈയിടെ മുത്തശ്ശിഗഥ ഫെയിം രജനി ചാണ്ടിയുടെ ഫോട്ടോഷൂട്ടിനു താഴെ വന്ന കമന്റുകൾ ” തള്ളക്ക് വയസ്സാം കാലത്ത് എന്തിന്റെ സൂക്കെട്ടാ , ബൈബിളും വായിച്ച് വീട്ടിലിരുന്നുകൂടെ “. ഇത് ഏറ്റവും മാന്യമായ കമന്റുകളിൽ ഒന്നാണ് , ബാക്കി കമന്റ്സ് ഇതിലും പുരോഗമനപരമായവ ആണ്. And they said ” എന്തിനാണ് ഫെമിനിസം, Equality വരട്ടെ “.
