വളരെ കുറഞ്ഞ കാലം കൊണ്ട് പാന്‍ ഇന്ത്യന്‍ ലെവലില്‍ ശ്രദ്ധ നേടിയ നടനാണ് പ്രഭസ്. ബാഹുബലി എന്ന ചിത്രമാണ് പ്രഭാസിനെ പ്രശസ്തിയിലേക്ക് ഉയര്‍ത്തിയത്. പ്രഭാസ് നായകനായി എത്തിയ രാധേ ശ്യാം തീയറ്ററുകളില്‍ പ്രദര്‍ശനം തുടരുകയാണ്. ഇപ്പോഴിതാ ശസ്ത്രക്രിയക്കായി പ്രഭാസ് സ്‌പെയിനിലേക്ക് തിരിച്ചതായാണ് റിപ്പോര്‍ട്ടുകള്‍.
പുതിയ ചിത്രമായ സലാറിന്റെ ചിത്രീകരണത്തിനിടെ പ്രഭാസിന് പരുക്കേറ്റിരുന്നു. മാസങ്ങള്‍ക്ക് മുന്‍പായിരുന്നു ഇത്. എന്നാല്‍ പരുക്ക് ഭേദമായിരുന്നില്ല. ഇതേ തുടര്‍ന്ന് ശസ്ത്രക്രിയക്കായി പ്രഭാസ് ബാഴ്‌സലോണയ്ക്ക് തിരിച്ചതായാണ് വിവരം.
‘കെജിഎഫ് ചാപ്റ്റര്‍ 2’ന് ശേഷം പ്രശാന്ത് നീല്‍ സംവിധാനം ചെയ്യുന്ന ചിത്രമാണ് ‘സലാര്‍’. നടന്‍ പൃഥ്വിരാജും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ശ്രുതി ഹാസനാണ് സിനിമയിലെ നായിക. കെജിഎഫ് പരമ്പരയ്ക്ക് ശേഷം സംവിധായകന്‍ പ്രശാന്ത് നീലും ഹോംബാലെ ഫിലിംസും തമ്മിലുള്ള മൂന്നാമത്തെ ചിത്രമാണിത്. രവി ബസ്രുറാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്.
