ധ്യാന്‍ ശ്രീനിവാസന്റെ അസോസിയേറ്റ് ഡയറക്ടറായിരുന്ന ഷഹദ് ആദ്യമായി സംവിധാനം ചെയ്യുന്ന ‘പ്രകാശന്‍ പറക്കട്ടെ’ എന്ന ചിത്രം തീയറ്ററുകളിലേക്ക്. ജൂണ്‍ പതിനേഴിന് ചിത്രം തീയറ്ററുകളിലെത്തും. ധ്യാന്‍ ശ്രീനിവാസന്റേതാണ് കഥ. ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നതും ധ്യാന്‍ തന്നെയാണ്.
ദിലീഷ് പോത്തന്‍, മാത്യു തോമസ്, അജു വര്‍ഗീസ്, സൈജു കുറുപ്പ്, ധ്യാന്‍ ശ്രീനിവാസന്‍ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. പുതുമുഖം മാളവിക മനോജാണ് നായിക. ശ്രീജിത്ത് രവി, ഗോവിന്ദ് വി. പൈ, നിഷാ സാരംഗ്, സ്മിനു സിജോ, ശ്രീജിത്ത് രവിയുടെ മകന്‍ മാസ്റ്റര്‍ ഋതുണ്‍ ജയ്‌യും ചിത്രത്തില്‍ അഭിനയിക്കുന്നുണ്ട്. ഹിറ്റ് മേക്കേഴ്‌സ് എന്റര്‍ടെയ്ന്‍മെന്റ്, ഫന്റാസ്റ്റിക് ഫിലിംസ്, എന്നീ ബാനറില്‍ വിശാഖ് സുബ്രഹ്‌മണ്യം, ടിനു തോമസ്, അജു വര്‍ഗീസ് എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
മനു മഞ്ജിത്തും ആഗ ഹരിനാരായണനുമാണ് ചിത്രത്തിന്റെ ഗാനങ്ങള്‍ രചിച്ചിരിക്കുന്നത്. ഷാന്‍ റഹ്‌മാനാണ് സംഗീത സംവിധാനം. ഛായാഗ്രഹണം ഗുരുപ്രസാദും എഡിറ്റിംഗ് രതിന്‍ രാധാകൃഷ്ണനും നിര്‍വഹിച്ചിരിക്കുന്നു.
