ഒരു മുറൈ വന്ത് പാര്‍ത്തയ എന്ന ചിത്രത്തിലൂടെ നായികയായി വെളളിത്തിരയില്‍ ചുവട് വെച്ച് പിന്നീട് മലയാളികളുടെ മനസ്സില്‍ ഇടം നേടിയ താരമാണ് പ്രയാഗ മാര്‍ട്ടിന്‍. വിരലിലെണ്ണാവുന്ന ചിത്രങ്ങളില്‍ മാത്രമേ താരം അഭിനയിച്ചിട്ടുള്ളുവെങ്കിലും ചെയ്ത വേഷങ്ങളെല്ലാം ഏറെ ശ്രദ്ധ നേടിയിരുന്നു. മലയാളത്തിലെ മുന്‍നിര നായകന്മാര്‍ക്കൊപ്പം അഭിനയിക്കാന്‍ ഭാഗ്യം ലഭിച്ച താരമാണ് പ്രയാഗ മാര്‍ട്ടിന്‍.
ഒരു പഴയ ബോംബ് കഥ എന്ന ചിത്രത്തിനുശേഷം പ്രയാഗയെ പിന്നീട് മലയാളി കാണുന്നത് ഷാജോണ്‍ സംവിധാനം ചെയ്ത ബ്രദേഴ്‌സ് ഡേ എന്ന പൃഥ്വിരാജ് ചിത്രത്തില്‍ ആണ്. തമിഴ് സൂപ്പര്‍താരം സൂര്യക്കൊപ്പമുള്ള നെറ്റ്ഫ്‌ലിക്സ് അന്തോളജി ചിത്രം നവരസയിലെ ഗിത്താര്‍ കമ്പി മേലെ നിന്‍ഡ്രു എന്ന ചിത്രമാണ് പ്രയാഗയുടെ അവസാനമായി പുറത്തിറങ്ങിയത്. ആഗസ്റ്റ് ആറിനാണ് നെറ്റ്ഫ്‌ലിക്സ് നവരസ പുറത്തിറക്കിയത്. ഗൗതം വാസുദേവ് മേനോനാണ് ഗിത്താര്‍ കമ്പി മേലെ നിന്‍ഡ്രു സംവിധാനം ചെയ്യുന്നത്.
സോഷ്യല്‍ മീഡിയയില്‍ സജീവമാണ് പ്രയാഗ. തന്റെ പുത്തന്‍ ചിത്രങ്ങളും വീഡിയോകളും താരം ഇന്‍സ്റ്റാഗ്രാമില്‍ പോസ്റ്റ് ചെയ്യാറുണ്ട്. ഇപ്പോള്‍ പ്രയാഗ പങ്കു വച്ച ഫോട്ടോഷൂട്ട് ഏറെ വ്യത്യസ്തമാണ്. വറിട്ട ഗെറ്റ് അപില്‍ താരം എത്തിയ ഫോട്ടോഷൂട്ട്ടിനു താഴെ കമെന്റുകള്‍ ഏറെ എത്തുന്നുണ്ട്. കമെന്റുകളില്‍ ചിലത് ഇങ്ങനെ ‘ കവി എന്താ ഉദേശിച്ചേ,അയ്യോ അമ്മോ എന്തേലും തരണേ, ന്ത് പറ്റി വയ്യായോ ‘ എന്നൊക്കെയാണ് ആരാധകര്‍ ചോദിക്കുന്നത്.
