ഒരു അഡാർ ലൗ എന്ന ഒറ്റ ചിത്രം കൊണ്ട് പ്രശസ്തയായ നടിയാണ് പ്രിയ വാര്യർ. ചിത്രം പ്രതീക്ഷയ്ക്കൊത്ത് ഉയർന്നില്ല എങ്കിലും താരം വളരെ ശ്രദ്ധ നേടി. മലയാളത്തിൽ പിന്നീട് ചിത്രങ്ങൾ ഒന്നുമില്ല എങ്കിലും ബോളിവുഡിൽ തരംഗമാവുകയാണ് പ്രിയ വാര്യർ. താരമിപ്പോൾ ബോളിവുഡിൽ തിരക്കിലാണ്. അഭിനയത്തോടൊപ്പം പഠനവും മുന്നോട്ടുകൊണ്ടുപോകുന്ന പ്രിയ ഇപ്പോൾ അവസാന വർഷ ബിരുദ വിദ്യാർഥിനിയാണ്. അതിനിടയിൽ തെലുങ്കിൽ ഒരു ഐറ്റം ഡാൻസുമായി പ്രേക്ഷകരെ ഞെട്ടിച്ചിരിക്കുകയാണ് താരം.
ലടി ലടി എന്ന ഈ പവർഫുൾ ഗാനത്തിന്റെ സംഗീത സംവിധാനം നിർവഹിച്ചിരിക്കുന്നത് ശ്രീ ചരൺ പകാലയാണ്. രോഹിത് നന്ദനും പ്രിയ വാര്യരും ആടിത്തിമിർത്തിരിക്കുന്ന ഗാനം ആലപിച്ചിരിക്കുന്നത് രാഹുൽ സിപ്ലിഗുഞ്ചും പ്രിയ വാര്യരും ചേർന്നാണ്. കിട്ടു വിസ്സപ്രകടയുടേതാണ് വരികൾ. രഘു താപ സംവിധാനവും രഞ്ജിത്ത് സിരിഗിരി നിർമാണവും നിർവഹിച്ചിരിക്കുന്നു.
