ഒരു അഡാർ ലൗ എന്ന ഒറ്റ ചിത്രം കൊണ്ട് പ്രശസ്തയായ നടിയാണ് പ്രിയ വാര്യർ.താരമിപ്പോൾ ബോളിവുഡിൽ തിരക്കിലാണ്. അഭിനയത്തോടൊപ്പം പഠനവും മുന്നോട്ടുകൊണ്ടുപോകുന്ന പ്രിയ ഇപ്പോൾ രണ്ടാംവർഷ ബിരുദ വിദ്യാർഥിനിയാണ്. അഭിനയത്തേക്കാൾ താൻ പഠനത്തിൽ മിടുക്കിയാണെന്ന് അധ്യാപകർ എല്ലാവരും പറയാറുണ്ട് എന്ന് പ്രിയ പങ്കുവെച്ചു.പഠനത്തിന് ശേഷം മാത്രമാണ് സിനിമയിൽ ശ്രദ്ധ കേന്ദ്രീകരിക്കാൻ താൽപര്യമെന്നും പ്രിയ ഒരു അഭിമുഖത്തിൽ പറഞ്ഞു.
” കോളേജിൽ ഇപ്പോൾ എനിക്ക് യാതൊരു വിധത്തിലുമുള്ള ഗ്രേസ് മാർക്കുകൾ ലഭിക്കുന്നില്ല. ഹാജരിനുള്ള മാർക്കും ലഭിക്കാറില്ല. കോളേജിലെ വിവിധ പരിപാടികൾക്ക് പങ്കെടുക്കുന്നവർക്ക് മാത്രമാണ് ഗ്രേസ് മാർക്ക് ലഭിക്കുന്നത് “- പ്രിയ പറഞ്ഞു.റിലീസ് ചെയ്യുന്നതിന് മുമ്പ് വിവാദത്തിലൂടെ ഹിറ്റായ ശ്രീദേവി ബംഗ്ലാവ് എന്ന ചിത്രത്തിലാണ് താരം ഇപ്പോൾ അഭിനയിച്ചുകൊണ്ടിരിക്കുന്നത്. പ്രശാന്ത് മാമ്പുള്ളി സംവിധാനം ചെയ്യുന്ന ചിത്രത്തിന്റെ ഉള്ളടക്കത്തിന് നടി ശ്രീദേവിയുടെ മരണവുമായി ബന്ധമുണ്ടെന്നാരോപിച്ച് അവരുടെ ഭർത്താവ് ബോണി കപൂർ ചിത്രത്തിന്റെ അണിയറ പ്രവർത്തക്കെതിരേ രംഗത്ത് വന്നിരുന്നു.
