ആത്മവിശ്വാസം തുളുമ്പുന്ന നോട്ടവും നിൽപ്പും; വൈറലായി പ്രിയ വാര്യരുടെ പുതിയ ഫോട്ടോ

ഒമർ ലുലു സംവിധാനം ചെയ്ത ‘ഒരു അഡാർ ലവ്’ എന്ന ചിത്രത്തിലെ ഒരു കണ്ണിറുക്കിലൂടെ മലയാളി സിനിമാപ്രേക്ഷകരുടെ മനസിൽ ഇടം നേടിയ നടിയാണ് പ്രിയ പി വാര്യർ. പിന്നീട് പ്രിയ വാര്യർ ‘ശ്രീദേവി ബംഗ്ലാവ്’ എന്ന ചിത്രത്തിലൂടെ ബോളിവുഡിലും അരങ്ങേറ്റം നടത്തി. സോഷ്യൽ മീഡിയയിലും സജീവമാണ് താരം. തന്റെ വ്യക്തിപരമായ വിശേഷങ്ങളും യാത്രാവിശേഷങ്ങളും എല്ലാം താരം സോഷ്യൽ മീഡിയയിൽ പങ്കുവെക്കാറുണ്ട്. ഇടയ്ക്കിടയ്ക്ക് ഫോട്ടോഷൂട്ടുകൾ നടത്തി അതിന്റെ ചിത്രങ്ങളും സോഷ്യൽ മീഡിയയിൽ പങ്കുവെക്കാറുണ്ട്.

ഇത്തവണ ആത്മവിശ്വാസം തുറുമ്പുന്ന ഒരു ചിത്രമാണ് പ്രിയ വാര്യർ സോഷ്യൽ മീഡിയയിൽ പങ്കുവെച്ചിരിക്കുന്നത്. ബിക്കിനി ധരിച്ച് അതിനു മുകളിൽ തിളങ്ങുന്ന ഓപ്പൺ ഷർട്ട് ധരിച്ചാണ് പ്രിയ പ്രത്യക്ഷപ്പെടുന്നത്. ആരാധകരെ കൈയിലെടുത്തിരിക്കുന്നതും ആത്മവിശ്വാസം തുളുമ്പുന്ന ഈ നിൽപ്പാണ്. വലിയ കമ്മലുകൾ താരത്തെ കൂടുതൽ സുന്ദരിയാക്കിയിട്ടുണ്ട്. ഫോട്ടോഗ്രാഫർ ആരിഫ് ആണ് ഈ ചിത്രം പകർത്തിയിരിക്കുന്നത്.

നിരവധി കമന്റുകളാണ് ചിത്രത്തിന് ലഭിച്ചിരിക്കുന്നത്. ‘വളരെ മനോഹരമായിരിക്കുന്നു’, ‘ലവ്‌ലി ഏഞ്ചൽ’, ‘ബ്യൂട്ടിഫുൾ ഗേൾ’ എന്നിങ്ങനെ പോകുന്നു കമന്റുകൾ. പ്രണയാർദ്രമായ നിരവധി കമന്റുകളും കാണാവുന്നതാണ്.