മലയാള സിനിമയിൽ നിന്ന് വിട്ട് നിൽക്കുന്നത് അത് കൊണ്ടാണ്, തുറന്ന് പറഞ്ഞു പ്രിയമണി!

മലയാള സിനിമയിൽ ശക്തമായ കഥാപാത്രങ്ങളെ അവതരിപ്പിച്ച താരമാണ് പ്രിയാമണി. മലയാളത്തിൽ മാത്രമല്ല, തമിഴിലും തെലുങ്കിലും കന്നടയിലുമെല്ലാം മികച്ച അവസരങ്ങൾ ആണ് താരത്തെ തേടി എത്തിയിരുന്നത്. എന്നാൽ ഇപ്പോൾ കുറച്ച് നാളുകളായി താരം മലയാള സിനിമയിൽ നിന്ന് വിട്ട് നിൽക്കുകയാണ്. അടുത്തിടെ നൽകിയ ഒരു അഭിമുഖത്തിൽ അതിന്റെ കാരണം തുറന്ന് പറയുകയാണ് പ്രിയാമണി. പ്രിയാമണിയുടെ വാക്കുകൾ ഇങ്ങനെ,

ഞാൻ എന്നും പ്രാധാന്യം നൽകുന്നത് സിനിമയുടെ തിരക്കഥയ്ക്ക് ആണ്. പതിനെട്ടാം പടിയിൽ ആണ് അവസാനമായി ഒരു മലയാള ചിത്രത്തിൽ അഭിനയിച്ചത്. ഒരു അഥിതി വേഷത്തിൽ ആണ് ചിത്രത്തിൽ എത്തിയതും. മലയാളത്തിലേക്ക് ഇനി വരില്ല എന്നൊന്നും പറയാൻ കഴിയില്ല. എക്സൈറ്റിങ് ആയുള്ള തിരക്കഥകൾ ലഭിക്കുകയാണെങ്കിൽ തീർച്ചയായും ഞാൻ മലയാളത്തിലേക്ക് തിരികെവരും എന്നുമാണ് പ്രിയാമണി പറഞ്ഞത്.

തമിഴിലെ അസുരൻ എന്ന ചിത്രം തെലുങ്കിൽ നാരപ്പ എന്ന പേരിൽ റീമേക്ക് ചെയ്യുന്നു. മഞ്ജു ചേച്ചി ചെയ്ത പച്ചമ്മാൾ എന്ന കഥാപാത്രത്തെ തെലുങ്കിൽ അവതരിപ്പിക്കാൻ എനിക്കാണ് ഭാഗ്യം ലഭിച്ചത്. ഒരുപാട് സന്തോഷം ഉണ്ട് ആ വേഷം ചെയ്യാൻ പറ്റിയതിൽ. മഞ്ജുചേച്ചിയെ പോലെ പറ്റിയില്ലെങ്കിലും എന്റേതായ രീതിയിൽ ആണ് ഞാൻ ആ കഥാപാത്രം ചെയ്തിരിക്കുന്നത്. പുതിയ ഒന്ന് രണ്ടു പ്രൊജെക്ടുകളെ കുറിച്ച് പറയാൻ ഉണ്ട്. എല്ലാം വഴിയേ ഒഫീഷ്യൽ ആയി അന്നൗൻസ് ചെയ്യുമെന്നും താരം പറഞ്ഞു.