നവാഗതനായ നിതിന്‍ ദേവീദാസ് തിരക്കഥയെഴുതി സംവിധാനം ചെയ്യുന്ന നോ വേ ഔട്ട് എന്ന ചിത്രത്തിലെ പ്രൊമോ ഗാനം പുറത്തുവിട്ടു. മലയാളത്തിലെ പ്രമുഖ റാപ്പറായ വേടനാണ് ഗാനം ആലപിച്ചിരിക്കുന്നത്. ‘മരണത്തിന്‍ നിറം’ എന്ന ഗാനം റിലീസ് ചെയ്ത് മണിക്കൂറുകള്‍കൊണ്ട് തന്നെ വൈറലായി.
രമേഷ് പിഷാരടിയാണ് നോ വേ ഔട്ടില്‍ കേന്ദ്രകഥാപാത്രത്തെ അവതരിപ്പിക്കുന്നത്. നേരത്തേ പുറത്തിറങ്ങിയ ചിത്രത്തിന്റെ ഗാനത്തിനും ട്രെയിലറിനുമെല്ലാം മികച്ച പ്രതികരണമാണ് ലഭിച്ചത്. സര്‍വൈവര്‍ ത്രില്ലറായാണ് ചിത്രം ഒരുക്കിയിരിക്കുന്നത്. രമേഷ് പിഷാരടിക്ക് പുറമേ ധര്‍മജന്‍ ബോള്‍ഗാട്ടി, ബേസില്‍ ജോസഫ്, രവീണ എന്‍ എന്നിവരും ചിത്രത്തില്‍ മറ്റ് കഥാപാത്രങ്ങളെ അവതരിപ്പിച്ചിരിക്കുന്നു.
റെമോ എന്റര്‍ടെയ്ന്‍മെന്റ്സിന്റെ ബാനറില്‍ റെമോഷ് എം എസ് ആണ് ചിത്രം നിര്‍മിച്ചിരിക്കുന്നത്. വര്‍ഗീസ് ഡേവിഡ് കാമറ ചലിപ്പിച്ചിരിക്കുന്ന ചിത്രം എഡിറ്റ് ചെയ്തിരിക്കുന്നത് കെ.ആര്‍ മിഥുന്‍ ആണ്. ഗിരീഷ് മേനോന്‍ കലാസംവിധാനവും സുജിത് മട്ടന്നൂര്‍ വസ്ത്രാലങ്കാരവും നിര്‍വഹിച്ചിരിക്കുന്നു. ചമയം-അമല്‍ ചന്ദ്രന്‍, സംഘട്ടനം- മാഫിയ ശശി, കൊറിയോഗ്രാഫി-ശാന്തി മാസ്റ്റര്‍, പ്രൊഡക്ഷന്‍ കണ്‍ട്രോളര്‍-വിനോദ് പറവൂര്‍, സ്റ്റില്‍സ്-ശ്രീനി മഞ്ചേരി, ഡിജിറ്റല്‍ മാര്‍ക്കറ്റിംഗ്-അനൂപ് സുന്ദരന്‍, പിആര്‍ഒ-മഞ്ജു ഗോപിനാഥ്.
