അല്‍ഫോണ്‍സ് പുത്രന്‍ ചിത്രം ഗോള്‍ഡിലെ ഗാനം പുറത്ത്. ‘തന്നെ തന്നെ പൊന്നില്‍ തന്നെ’ എന്ന് തുടങ്ങുന്ന ഗാനം ആലപിച്ചിരിക്കുന്നത് വിജയ് യേശുദാസും രാജേഷ് മുരുഗേശനും ചേര്‍ന്നാണ്. ശബരീഷ് വര്‍മയുടെ വരികള്‍ക്ക് ഈണം പകര്‍ന്നിരിക്കുന്നത് രാജേഷ് മുരുഗേശന്‍ തന്നെയാണ്. പൃഥ്വിരാജും ദീപ്തി സതിയുമാണ് ഗാനരംഗത്തുള്ളത്. പൃഥ്വിരാജിന്റെ തകര്‍പ്പന്‍ ഡാന്‍സാണ് ഹൈലൈറ്റ്.
പ്രേക്ഷകര്‍ ഏറെ പ്രതീക്ഷയോടെ കാത്തിരുന്ന ഗോള്‍ഡ് തീയറ്ററുകളില്‍ എത്തിയിരിക്കുകയാണ്. ഈ കഴിഞ്ഞ ഓണത്തിന് തിയറ്ററുകളില്‍ എത്തിക്കാനിരുന്ന ചിത്രമായിരുന്നു ഗോള്‍ഡ്. ചില സാങ്കേതിക പ്രശ്‌നങ്ങളും പോസ്റ്റ് പ്രൊഡക്ഷന്‍ ജോലികള്‍ പൂര്‍ത്തിയാകാത്തതിനെയും തുടര്‍ന്ന് സിനിമയുടെ റിലീസ് നീണ്ട് പോയത്. തുടര്‍ന്ന് ഏറെ നാളുകളുടെ കാത്തിരിപ്പിന് ശേഷമാണ് കഴിഞ്ഞ ദിവസം ലിസ്റ്റിന്‍ സ്റ്റീഫന്‍ ഗോള്‍ഡിന്റെ റിലീസ് പ്രഖ്യാപിക്കുന്നത്.
പൃഥ്വിരാജ് പ്രൊഡക്ഷന്‍സിന്റെ സഹബാനറില്‍ സുപ്രിയ മേനോനോടൊപ്പം ചേര്‍ന്നാണ് ലിസ്റ്റിന്‍ ഗോള്‍ഡ് നിര്‍മിച്ചിരിക്കുന്നത്. ലിസ്റ്റിന്‍ സ്റ്റീഫന്റെ മാജിക് ഫ്രേയിംസാണ് ഗോള്‍ഡ് തീയറ്ററുകളില്‍ എത്തിച്ചത്. ദി ടീം എന്ന സിനിമ വിതരണ കമ്പനിയാണ് ചിത്രം തമിഴ്‌നാട്ടില്‍ എത്തിക്കുന്നത്. ചിത്രത്തിന്റെ ഒടിടി അവകാശം ആമസോണ്‍ പ്രൈമാണ് സ്വന്തമാക്കിയത്.
