സുജിത് ലാല്‍ സംവിധാനം ചെയ്യുന്ന ‘രണ്ടി’ന്റെ ക്യാരക്ടര്‍ പോസ്റ്റര്‍ എത്തി. സുധി കോപ്പയുടെ ക്യാരക്ടര്‍ പോസ്റ്ററാണ് പുറത്തു വിട്ടത്. ബിനുലാല്‍ ഉണ്ണിയാണ് സിനിമയ്ക്കായി രചന നിര്‍വ്വഹിക്കുന്നത്. റഫീഖ് അഹമ്മദിന്റെ വരികള്‍ക്ക് എം ജയചന്ദ്രനാണ് ഈണം പകരുന്നത്. ഹെവന്‍ലി മൂവീസിന്റെ ബാനറില്‍ പ്രജീവ് സത്യവ്രതനാണ് ചിത്രം നിര്‍മിക്കുന്നത്. രജീഷ വിജയന്‍ നായികയായെത്തിയ ഫൈനല്‍സിന് ശേഷം ഈ ബാനറില്‍ ഒരുങ്ങുന്ന ചിത്രമെന്ന പ്രത്യേകതയും ഈ ചിത്രത്തിനുണ്ട്.
ഇന്ദ്രന്‍സ്, ടിനി ടോം, അന്ന രേഷ്മരാജന്‍, ഇര്‍ഷാദ്, സുധി കോപ്പ, അനീഷ് ജി മേനോന്‍, കലാഭവന്‍ റഹ്മാന്‍, മാലാ പാര്‍വതി, നവാസ് വള്ളിക്കുന്ന്, സ്വരാജ് ഗ്രാമിക തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ബിഗ് ബ്രദറാണ് വിഷ്ണു ഉണ്ണിക്കൃഷ്ണന്റേതായി ഒടുവില്‍ തീയേറ്ററുകളിലെത്തിയ ചിത്രം. മമ്മൂട്ടിയ്ക്കും മോഹന്‍ലാലിനുമൊപ്പം വിഷ്ണു അഭിനയിച്ചിട്ടുണ്ട്. വിഷ്ണുവിന്റെ വിവാഹത്തിന് ഇരുവരും സംബന്ധിച്ചതിന്റെ വീഡിയോ വൈറലായി മാറിയിരുന്നു.
കഥ, തിരക്കഥ, സംഭാഷണം ബിനുലാല്‍ ഉണ്ണി, ഛായാഗ്രഹണം അനീഷ് ലാല്‍ ആര്‍ എസ് , എഡിറ്റിംഗ് മനോജ് കണ്ണോത്ത്, ഗാനരചന റഫീഖ് അഹമ്മദ്, സംഗീതം എം ജയചന്ദ്രന്‍ , പ്രൊ.കണ്‍ട്രോളര്‍ ജയശീലന്‍ സദാനന്ദന്‍ , ചമയം പട്ടണം റഷീദ്, കല അരുണ്‍ വെഞ്ഞാറമൂട്, കോസ്റ്റ്യും അരുണ്‍ മനോഹര്‍, സംഘട്ടനം മാഫിയ ശശി, ചീഫ് അസ്സോ: ഡയറക്ടര്‍ ചാക്കോ കാഞ്ഞൂപ്പറമ്പന്‍ , ഡിസൈന്‍സ് ഓള്‍ഡ് മോങ്ക്‌സ് , ഫിനാന്‍സ് കണ്‍ട്രോളര്‍ സതീഷ് മണക്കാട്, സ്റ്റില്‍സ് അജി മസ്‌കറ്റ്, പി ആര്‍ ഓ അജയ് തുണ്ടത്തില്‍ എന്നിവരാണ്.
