രാംചണ്‍ തേജ, ജൂനിയര്‍ എന്‍ടിആര്‍ എന്നിവരെ കേന്ദ്രകഥാപാത്രങ്ങളാക്കി എസ്.എസ് രാജമൗലി ഒരുക്കിയ ആര്‍ആര്‍ആറിന് മികച്ച പ്രേക്ഷക പ്രതികരണമാണ് ലഭിച്ചത്. ബോളിവുഡില്‍ നിന്ന് അജയ് ദേവ്ഗണും ആലിയ ഭട്ടും ചിത്രത്തില്‍ അണിനിരന്നിരുന്നു. ഇപ്പോഴിതാ ചിത്രത്തിലെ ‘എത്തര ജെണ്ട’ എന്ന ഗാനം പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. ഗാനത്തിന്റെ തെലുങ്ക് പതിപ്പ് മണിക്കൂറുകള്‍കൊണ്ട് ഒന്‍പത് ലക്ഷത്തിലധികം പേരാണ് ഈ ഗാനം യൂട്യൂബില്‍ കണ്ടത്.
നേരത്തേ ഈ ഗാനം യൂട്യൂബില്‍ റിലീസ് ചെയ്തിരുന്നുവെങ്കിലും പൂര്‍ണരൂപം ഉണ്ടായിരുന്നില്ല.
പുതിയ വീഡിയോ ഗാനത്തില്‍ അജയ് ദേവ്ഗണും, രാജമൗലിയും ഒലിവിയ മോറിസും അണിനിരക്കുന്നുണ്ട്. എം.എം കീരവാണിയാണ് ഗാനത്തിന്റെ സംഗീത സംവിധാനം നിര്‍വഹിച്ചിരിക്കുന്നത്. വിശാല്‍ മിശ്ര, പൃഥ്വി ചന്ദ്ര, എം.എം കീരവാണി, സഹിതി ചങ്കണ്ടി, ഹരിക നാരായണന്‍ എന്നിവരാണ് ആലാപനം.
മാര്‍ച്ച് 25 നാണ് ചിത്രം റിലീസ് ചെയ്തത്. ചിത്രം റെക്കോര്‍ഡ് നേട്ടമാണ് ബോക്‌സോഫീസില്‍ നേടിയത്. പ്രേക്ഷകര്‍ നിറഞ്ഞ ആവേശത്തോടെ ചിത്രത്തെ ഏറ്റെടുത്തിരുന്നു. ബാഹുബലിക്ക് ശേഷം രാജമൗലിയുടെ സംവിധാനത്തില്‍ ഒരുങ്ങുന്ന ബ്രഹ്‌മാണ്ഡ ചിത്രമാണ് ആര്‍ആര്‍ആര്‍. ഒലിവിയ മോറിസ്, സമുദ്രക്കനി, അലിസണ്‍ ഡൂഡി, റേ സ്റ്റീവന്‍സണ്‍ എന്നിവരാണ് മറ്റ് കഥാപാത്രങ്ങളെ അവതരിപ്പിച്ചത്.
