തീവണ്ടി എന്ന സൂപ്പര്‍ ഹിറ്റ് ചിത്രത്തിലൂടെ മലയാള സിനിമയിലേക്കെത്തിയ നടിയാണ് സംയുക്ത മേനോന്‍. പിന്നീട് ലില്ലി എന്ന ചിത്രത്തിലെ പ്രകടനവും ശ്രദ്ധിക്കപ്പെട്ടിരുന്നു. ടോവിനോ തോമസ് നായകനായ എടക്കാട് ബറ്റാലിയന്‍, കല്‍ക്കി, ആസിഫ് അലി നായകനായ അണ്ടര്‍ വേള്‍ഡ്, ഉയരെ, ദുല്‍ഖര്‍ സല്‍മാന്‍ നായകനായ ഒരു യമണ്ടന്‍ പ്രേമകഥ, ജയസൂര്യ നായകനായ വെള്ളം, ആന്തോളജി ചിത്രമായ ആണും പെണ്ണും, ഒടിടി റിലീസ് ആയെത്തിയ വുള്‍ഫ് എന്നീ ചിത്രങ്ങളിലും താരം അഭിനയിച്ചു. സോഷ്യല്‍ മീഡിയയിലും ഏറെ സജീവമാണ് താരം. ലോക്ക് ഡൌണ്‍ സമയത്ത് ശരീര ഭാരം കുറച്ചു വമ്പന്‍ മേക് ഓവര്‍ നടത്തിയിരുന്നു സംയുക്ത.
View this post on Instagram
View this post on Instagram
ഇപ്പോഴിതാ, ബിക്കിനി ധരിച്ച തന്റെ പുതിയ പൂള്‍ ചിത്രം പങ്കു വെച്ചിരിക്കുകയാണ് താരം. ചിത്രം പുറത്തു വിട്ട് മിനിട്ടുകള്‍ക്കകം അത് സോഷ്യല്‍ മീഡിയയില്‍ വൈറല്‍ ആവുകയും ചെയ്തു. ജീവിതം പെര്‍ഫെക്റ്റ് അല്ലെങ്കിലും ബിക്കിനി പെര്‍ഫെക്റ്റ് ആണെന്നാണ് സംയുക്ത അതിനൊപ്പം കുറിച്ചിരിക്കുന്നത്. പൃഥ്വിരാജ് നായകനായ കടുവ, കന്നഡ ചിത്രം ഗാലിപട്ട 2 , മലയാള ചിത്രം എരിഡ എന്നിവയാണ് സംയുക്തയുടെ വരാനിരിക്കുന്ന ചിത്രങ്ങള്‍. വി.കെ. പ്രകാശ് സംവിധാനം ചെയ്യുന്ന എരിഡയ്ക്കു വേണ്ടി സംയുക്ത നടത്തിയ വമ്പന്‍ മേക് ഓവര്‍ ശ്രദ്ധിക്കപ്പെട്ടിരുന്നു. അതിനു വേണ്ടി സംയുക്ത നടത്തിയ വര്‍ക്ക് ഔട്ട് വീഡിയോകള്‍ സോഷ്യല്‍ മീഡിയയില്‍ വൈറലായിരുന്നു.
