സംയുക്ത മേനോൻ, നാസർ, കിഷോർ, ധർമജൻ എന്നിവരെ കേന്ദ്ര കഥാപാത്രങ്ങളാക്കി വി.കെ.പ്രകാശ് സംവിധാനം ചെയ്യുന്ന ചിത്രമാണ് ‘എരിഡ’. ചിത്രത്തിന്റെ ട്രെയ്‌ലർ പുറത്തിറക്കിയിരിക്കുകയാണ് അണിയറപ്രവർത്തകർ ഇപ്പോൾ. കഴിഞ്ഞ ദിവസം ചിത്രം ആമസോൺ പ്രൈമിലൂടെ റിലീസ് ചെയ്തു. അരോമ സിനിമാസ് & ഗുഡ് കമ്പനിയുടെ ബാനറിൽ അജി മേടയിലും അരോമ ബാബുവും ചേർന്ന് നിർമ്മിക്കുന്ന ചിത്രം മലയാളം, തമിഴ് എന്നീ ഭാഷകളിലാണ് ഒരുക്കിയിരിക്കുന്നത്.
വൈ.വി.രാജേഷ് ആണ് തിരക്കഥയൊരുക്കുന്നത്. ചിത്രത്തിൻ്റെ ക്യാമറ കൈകാര്യം ചെയ്യുന്നത് എസ്.ലോകനാഥനാണ്. ചിത്രത്തിന്റെ പേരിലും ഏറെ കൗതുകമുണ്ട്. യവന മിത്തോളജിയുടെ പശ്ചാത്തലത്തില്‍ സമകാലിക സംഭവങ്ങളെ പ്രതിപാദിക്കുന്ന ഒരു ത്രില്ലര്‍ ചിത്രമാണ് ‘എരിഡ’. മലയാളത്തിലെ മികച്ച സംവിധായകരിൽ ഒരാളാണ് വി കെ പ്രകാശ്. ട്രിവാൻഡ്രം ലോഡ്ജ് തുടങ്ങി മലയാളികൾ ഏറെ ഇഷ്ടപ്പെടുന്ന നിരവധി സിനിമകൾ സംവിധാനം ചെയ്തു അദ്ദേഹതിന്റെ മറ്റൊരു മികച്ച ചിത്രമാണ് ‘എരിഡ’. 2019ൽ പുറത്തിറങ്ങിയ പ്രാണ എന്ന ചിത്രമാണ് അദ്ദേഹത്തിന്റെ സംവിധാന സംരംഭത്തിൽ ഉള്ള അവസാന ചിത്രം.
