മലയാളത്തിൽ സാനിയ ഇയ്യപ്പനോളം ഫ്ലെക്സിബിലിറ്റിയുള്ള മറ്റൊരു നടിയെ കണ്ടെത്തുവാൻ ക്ലേശകരമാണ്. നൃത്തത്തോടുള്ള താരത്തിന്റെ അടങ്ങാത്ത ആവേശം തന്നെയാണ് അതിന് കാരണവും. ഇപ്പോൾ സോഷ്യൽ മീഡിയയിൽ നിറഞ്ഞ് നിൽക്കുന്നത് സാനിയയുടെ പുതിയ ഫോട്ടോഷൂട്ടാണ്.
നൃത്ത പശ്ചാതലത്തില്‍ ഗംഭീരമായി സജ്ജീകരിച്ച സീരീസിലെ ചിത്രങ്ങളാണ് പുറത്തുവന്നത്. ദി ബോഹീമിയന്‍ ഗ്രോവ് എന്ന ഇന്‍സ്റ്റഗ്രാം പേജാണ് സീരീസ് അവതരിപ്പിച്ചത്. ഫാഷന്‍ കണ്‍സെപ്റ്റ് ഡയറക്ടറായ അച്ചുവിന്റെ ആശയമാണ് ഈ ഫോട്ടോഷൂട്ട്. ഫോട്ടോഗ്രാഫര്‍ ടിജോ ജോണ്‍ ആണ് ചിത്രങ്ങള്‍ പകര്‍ത്തിയത്. കളമശേരിയിലാണ് ഷൂട്ട് നടന്നത്.
പ്രണയത്തിന്റെ പ്രവാചകൻ എന്നറിയപ്പെടുന്ന എഴുത്തുകാരൻ ഖലീല്‍ ജിബ്രാന്റെ വാക്കുകളുടെ അകമ്പടിയോടെയാണ് സാനിയ ചിത്രങ്ങള്‍ പങ്കുവച്ചത്. “ഭൂമി നിങ്ങളുടെ അവയവങ്ങളെ അവകാശപ്പെടുത്തുമ്പോള്‍ നിങ്ങള്‍ ശരിക്കും നൃത്തം ചെയ്യും”, എന്നാണ് ചിത്രങ്ങള്‍ക്കൊപ്പം നടി കുറിച്ചത്. സിനിമാലോകവും പ്രേക്ഷകരും ഒരേപോലെ താരത്തെ അഭിനന്ദിച്ചു കൊണ്ട് മുന്നോട്ട് വന്നിട്ടുണ്ട്.
