സിനിമയിൽ നമ്മൾ പല തരത്തിലുള്ള നായകരെയും കണ്ടിട്ടുണ്ട്. സിനിമയോടുള്ള ആഗ്രഹം നിമിത്തം ചെറുപ്രായത്തിൽ തന്നെ സിനിമയിൽ വന്ന് പതിയെ പതിയെ വലിയ താരമായിട്ടുള്ള പ്രതിഭകളെ നമുക്ക് അറിയാം. എന്നാൽ, പ്രായം 52 ആയപ്പോൾ സിനിമയിൽ നായകനായി അരങ്ങേറ്റം കുറിച്ചിരിക്കുകയാണ് അവിടെ ഒരാൾ. ആൾ ചില്ലറക്കാരനല്ല. തമിഴ്നാട്ടിലെ വൻ വ്യവസായി ആയ ശരവണൻ അരുൾ എന്ന ലെജൻഡ് ശരവണൻ ആണ് സിനിമയിലേക്ക് അരങ്ങേറ്റം നടത്തിയത്. ജെഡി – ജെറി എന്നിവർ ചേർന്ന് സംവിധാനം ചെയ്യുന്ന ദ ലെജൻഡ് എന്ന ചിത്രത്തിലൂടെയാണ് ശരവണൻ സിനിമയിൽ തന്റെ അരങ്ങേറ്റം നടത്തിയിരിക്കുന്നത്. ശരവണൻ അരുൾ അഥവാ ലെജൻഡ് ശരവണൻ എന്നറിയപ്പെടുന്ന ശരവണൻ തന്നെയാണ് ചിത്രത്തിന്റെ നിർമാതാവ്.
ശരവണനെ കൂടാതെ ഉർവശി റൗട്ടേല, ഗീഥിക. വിവേക്, നസീർ, പ്രഭു, വിജയകുമാർ, യോഗി ബാബു തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ. ഹാരിസ് ജയരാജ് ആണ് ചിത്രത്തിന്റെ സംഗീതം. ചിത്രത്തിന്റെ പോസ്റ്റർ ലോഞ്ച് കാൻ ഫെസ്റ്റിവലിൽ വെച്ചായിരുന്നു നടന്നത്. ആർ വേൽരാജ് ആയിരുന്നു ക്യാമറ. റൂബൻ ആണ് എഡിറ്റർ.
നേരത്തെ പരസ്യചിത്രങ്ങളിൽ പ്രത്യക്ഷപ്പെട്ടിട്ടുള്ള ശരവണൻ ഇത് ആദ്യമായാണ് ഒരു ചിത്രത്തിൽ നായകനായി എത്തുന്നത്. ചിത്രത്തിലെ ടീസർ, ഗാനങ്ങൾ എന്നിവ നേരത്തെ തന്നെ പുറത്തു വരികയും വലിയ പ്രേക്ഷകശ്രദ്ധ നേടുകയും ചെയ്തിരുന്നു. മെയ് 29ന് റിലീസ് ചെയ്ത ചിത്രത്തിന്റെ ട്രയിലർ ഇതുവരെ മൂന്ന് കോടിക്ക് അടുത്ത് ആളുകളാണ് ഇതുവരെ കണ്ടത്. തിങ്ക് മ്യൂസിക് ഇന്ത്യയുടെ യുട്യൂബ് ചാനലിലാണ് ട്രയിലർ റിലീസ് ചെയ്തത്. രാജു സുന്ദരം, ബ്രിന്ദ മാസ്റ്റർ, ദിനേശ് മാസ്റ്റർ എന്നിവർ നൃത്ത സംവിധാനം നിർവഹിച്ച ഈ ചിത്രത്തിന് പട്ടുകോട്ടൈ പ്രഭാകർ ആണ് സംഭാഷണങ്ങൾ രചിച്ചിരിക്കുന്നത്. സയൻസ് ഫിക്ഷന് പ്രാധാന്യമുള്ള രീതിയിലാണ് ചിത്രം ഒരുക്കിയിരിക്കുന്നത്. അതിനൊപ്പം തന്നെ എല്ലാവിധ വാണിജ്യ ചേരുവകളും ചിത്രത്തിലുണ്ടെന്ന് വ്യക്തമാക്കുന്നതാണ് ട്രയിലർ. ആക്ഷനും കോമേഡിയും പ്രണയവും നൃത്തവുമെല്ലാം ഉൾക്കൊള്ളുന്ന ഒരു മാസ്സ് എന്റർടയിനർ ആയിരിക്കും ചിത്രം എന്നാണ് സൂചന.
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന്‍ പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…