സഭ്യതയുടെ അതിർവരമ്പുകൾ ഭേദിച്ച് വെഡിങ്ങ് ഫോട്ടോഷൂട്ടുകൾ വൈറലാകുന്നതിനിടയിൽ വേറിട്ടതും ആകർഷണീയവുമായ പല ഫോട്ടോഷൂട്ടുകളും വൈറലാകാറുണ്ട്. കഴിഞ്ഞ ദിവസം മേസ്തിരി പണിക്കിറങ്ങിയ ഐ ടിക്കാരൻ എന്ന തീമിൽ ഒരു സേവ് ദി ഡേറ്റ് ഫോട്ടോഷൂട്ട് വൈറലായിരുന്നു. ഇപ്പോഴിതാ ഓർമകളും പ്രണയവും നിറഞ്ഞ സ്കൂൾ കാലഘട്ടം ഓർമപ്പെടുത്തുന്ന ഒരു സേവ് ദി ഡേറ്റ് ഫോട്ടോഷൂട്ട് വൈറലായിരിക്കുകയാണ്.
സബിൻ – അനീഷ ദമ്പതികളുടെ സേവ് ദി ഡേറ്റ് ഫോട്ടോഷൂട്ടാണ് യൂണിഫോം ധരിച്ച് പഴയ സ്കൂൾ കാലഘട്ടത്തിലേക്ക് തിരികെ പോയി തയ്യാറാക്കിയിരിക്കുന്നത്. ശ്രീഹരി പുലരി ഫോട്ടോഗ്രാഫിയാണ് ഈ ചിത്രങ്ങൾക്ക് പിന്നിൽ.
