ജീവിക്കാൻ മനുഷ്യനെന്ന് മാത്രമല്ല, എല്ലാ ജീവജാലങ്ങൾക്കും വെള്ളം എന്നത് അത്യന്താപേക്ഷിതമാണ്. അതുപോലെ തന്നെയാണ് ജീവന്റെ ജീവനായി ഒരു പങ്കാളി ഉള്ളതും. അങ്ങനെ ഒരു പങ്കാളിയെ വെള്ളം കൊടുത്തു വളച്ചാൽ എങ്ങനെ ഉണ്ടാകും..? അത്തരത്തിൽ വ്യത്യസ്ഥമായ ഒരു ആശയവുമായി മലയാളികളുടെ മനസ്സിൽ ഇടം പിടിച്ചിരിക്കുകയാണ് ഒരു സേവ് ദി ഡേറ്റ് ഫോട്ടോഷൂട്ട്. അർജുൻ – അഖില ദമ്പതികളുടെ ഫോട്ടോഷൂട്ടാണ് ഇപ്പോൾ വൈറലായിരിക്കുന്നത്. ടാങ്കറിൽ കുടിവെള്ളവുമായി എത്തിയ ഡ്രൈവറും വെള്ളമെടുക്കാനെത്തിയ പെൺകുട്ടിയുമായാണ് ദമ്പതികൾ എത്തിയിരിക്കുന്നത്. മലയാളികൾ എന്തായാലും ഈ ഫോട്ടോഷൂട്ട് ഏറ്റെടുത്തു കഴിഞ്ഞു. 
